پارتی و ئێکەتی دێ کۆمبن

ئاژانسا خانی ” تایبەت:

پشتی پەیاما سەرۆک بارزانی بەرھەڤی دھێنە کرن بۆ کۆمبوونا پارتی و ئێکەتی ب مەرەما چارەسەرکرنا ئاریشێن دناڤبەرا ھەردو حزبان دا ب تایبەتی بابه‌تێ ئه‌نجامدانا ھەلبژارتنێن ھەرێما کوردستانێ.

ژێدەرەکێ ئاگەھدار بۆ ئاژانسا خانی دیارکر” رەوشا سیاسی ل ھەرێما کوردستانێ بەرەف سەقامگیریێ دچیت و نوکە لێک نێزیک بوون ھەیە دناڤبەرا پارتی و ئێکەتییێ دا، پشتی پەیاما سەرۆک بارزانی ژی بەرھەڤی دھێنە کرن بۆ ئەنجامدانا کۆمبوونا ھەردو مەکتەبێن سیاسی یێن پارتی و ئێکەتی، بەلێ دەمێ سازكرنا کۆمبوونێ نەھاتییە دیار کرن.

وی ژێدەری گۆت ژی” کۆمبوونا ھەردو ئالییان دێ لدۆر ئاریشێن دناڤبەرا پارتی و ئێکەتییێ بیت، ب تایبەتی دێ بابه‌تێ ئه‌نجامدانا ھەلبژارتنان ئێکلا کەن، چونکی دەم درەنگە و پێدڤییە دەلیڤێ بدەنە کۆمسیۆنا ھەلبژارتنان ھەتا ئەو ژی بشێن بەرھەڤیان بکەن بۆ ئەنجامدانا ھەلبژارتنێن ھەرێما کوردستانێ.