<h3 style="text-align: justify;"><span style="font-size: 18pt;">ده‌سته‌یا ده‌ستپاكییا فیدرالى ده‌سته‌سه‌ركرنا مامۆستایه‌كێ زانكۆیا نه‌ینه‌وا ل ده‌مێ به‌رتیلوه‌رگرتنێ راگه‌هاند و ئاشكراكر، فه‌رمانبه‌ره‌كى ب نه‌قانوونى ب بهایێ چار ملیار دیناران زه‌ڤییێن حكومى فرۆتینه.</span></h3> <h3 style="text-align: justify;"><span style="font-size: 18pt;">دراگه‌هاندنا ده‌سته‌یا ده‌ستپاكییا عیراقێدا هاتییه، تیمه‌كا رێڤه‌به‌رییا فه‌رمانگه‌ها لێكۆلینێن ده‌سته‌یێ ل نه‌ینه‌وا مامۆستایه‌كێ زانكۆیێ ل ده‌مێ وه‌رگرتنا 500 دۆلاران وه‌كو به‌رتیل ده‌سته‌سه‌ركر، كو پێشتر به‌رامبه‌ر تمامكرنا راپۆرته‌كا تایبه‌ت بۆ خواندنێ ژ قوتابییێن ماسته‌رێ داخوازكربوون.</span></h3> <h3 style="text-align: justify;"><span style="font-size: 18pt;">ئاماژه ب هندێ ژى دا، دادوه‌رێ دادگه‌ها لێكۆلینێن نه‌ینه‌وا یێ تایبه‌ت ب بابه‌تێن ده‌ستپاكییێ، ل دووڤ بریاره‌كێ تۆمه‌تبار ده‌سته‌سه‌ركر.</span></h3> <h3 style="text-align: justify;"><span style="font-size: 18pt;">ژلایه‌كێ دیڤه هه‌ر ل نه‌ینه‌وا د ئۆپه‌راسیۆنه‌كا دییا ده‌سته‌یا ده‌ستپاكییێدا فه‌رمانبه‌ره‌ك هاته ده‌سته‌سه‌ركرن، وه‌كو ده‌سته‌یێ راگه‌هاندى، ئه‌وى فه‌رمانبه‌رى چه‌ند پارچه زه‌ڤییه‌كێن چاندنێ فرۆتینه كو ملكێ ده‌وله‌تێ نه، ئه‌ڤه‌ژى سه‌رپێچییا قانوونێ یه.</span></h3> <h3 style="text-align: justify;"><span style="font-size: 18pt;">دیار ژى كر، سه‌رجه‌مێ رووبه‌رێ ئه‌وان زه‌ڤییان یێن سه‌رپێچى لێ هاتییه‌كرن نێزیكى 30 دونه‌مان بوو و بهایێ وان ژ چار ملیار دیناران زێده‌تربوون.</span></h3>
