وەزیرێ پەروەردێ: هەر مامۆستایەکێ دەستکارییێ د نمرێن قوتابییان دا بكه‌ت دێ هێته‌ دێ سزادان

وەزیرێ پەروەردێ یێ حکومەتا هەرێما کوردستانێ دیار كر: هەر مامۆستایەکێ د سیستەمێ (e-perwerde) دا دەستکارییێ د نمرێن قوتابییان دا کربیت، دێ ب تووندی هێته‌ سزادان و گۆت ژی 11 هزار و 564 قوتابی ل وان قوتابخانان دخوینن، یێن كو دایک یان بابێن وان لێ مامۆستا، ژ وێ هژمارێ ژی ب تنێ 900 قوتابی ئێکەم بوون.

ئەڤرۆ چارشه‌مبی” ئالان حەمە سەعید، وەزیرێ پەروەردێ یێ حکومەتا هەرێما کوردستانێ د کۆنگرەكێ رۆژنامەڤانی دا ده‌ربارەیی دەنگۆیێ دەست کاریکرنا نمرێن هژمارەكا قوتابییان د وەرزێ دووێ یێ خواندنا ئه‌ڤ ساله‌ راگەهاند: مه‌ هەموو سیستەمێ قوتابخانان کرییە دیجیتالی، ب تۆمارکرنا نمرەیان ژی ڤه‌” قوتابخانە د ده‌مه‌كێ دیار کری دا نمران تۆمار دکەن، ئەو نمرێن کو تۆماری دکەن دچنە ناڤا سیستەمی، پاشی سیستەم دهێته‌ داخستن و نابیت دەستکارییێ د نمران بکەن.