ئەندامەکا لژنا قانوونی: لدووڤ قانوونێ کۆمسیۆن ھاتییە کارا کرن

ئاژانسا خانی، تایبەت:

 ئەڤرۆ پەرلەمانێ کوردستانێ کۆمسیۆنا ھەلبژارتنان کارا کر و ئەندامەکا لژنا قانوونی ژی ئاشکراکر، کاراکرنا کۆمسیۆنێ پێدڤی ب دەنگێ 56 پەرلەمانتاران ھەیە و ب دەنگێ 58 پەرلەمانتاران کۆمسیۆن ھاتییە کارا کرن.

سارا دلشاد، ئەنداما لژنا قانوونی ل پەرلەمانێ کوردستانێ بۆ ئاژانسا خانی دیارکر” کۆمبوونا ئەڤرۆ یا پەرلەمانێ کوردستانێ ب شێوەیەکێ قانوونی بڕێڤەچوویە و تێدا کۆمسیۆنا راپرسی و ھەلبژارتنێن ھەرێما کوردستانێ ھاتییە کارا کرن، چونکی کاراکرنا کۆمسیۆنێ پێدڤی ب 56 دەنگێن پەرلەمانتاران ھەیە و ئەڤرۆ 58 پەرلەمانتاران دەنگ بۆ کاراکرنا کۆمسیۆنێ دایە.

سارا دلشاد گۆت ژی” ئەم وەکی نوونەرێن پێکھاتان ھەتا نوکە ھەلویستێ مە یێ دیارە و مە دەنگ ل سەر کاراکرنا کۆمسیۆنا ھەلبژارتنان دایە، چونکی بەری نوکە سیڤی بۆ بەربژێران ھاتبوونە وەرگرتن و ئەڤرۆ کۆمسیۆن ھاتە کارا کرن، داکو ھەلبژارتن بھێنە ئەنجامدان.