پەرلەمانتارەکێ پارتی: ئێکەتی حه‌ز ناكه‌ت ھەلبژارتن بھێنە كرن

ئاژانسا خانی ” تایبەت:

پەرلەمانتارەکێ فراکسیۆنا پارتی ل پەرلەمانێ کوردستانێ ئاشکرا کر، ئێکەتی حه‌ز ناكه‌ت ھەلبژارتن بھێنە كرن و پارتی ژی یا رژدە ل سەر ئه‌نجامدانا ھەلبژارتنان و ناھێلین ڤالاھییا قانوونی پەیدا ببیت.

وەیسی سەعید، زێده‌تر بۆ ئاژانسا خانی دیارکر” ئێکەتی نیشتیمانی کوردستان حه‌ز ناكه‌ت ھەلبژارتنێن ھەرێما کوردستانێ بھێنە كرن، ئەڤە ژی بوویە ئەگەر بەردەوام ئێکەتی بەھانەیان بۆ پاشخستنا پرۆسا ھەلبژارتنان چێکەت، ئه‌و ئالۆزی یێن ئەڤرۆ ژی یێن دناڤا ھۆلا پەرلەمانی پەیدا بووین ھەر بەردەوامیدانە ب ئەڤان رێگری یێن ئێکەتی بۆ ئەنجامنەدانا ھەلبژارتنان.

ناڤهاتی گۆت ژی” پارتی یا رژدە ل سەر ھەلویستێ خۆ بۆ ئەنجامدانا پرۆسا ھەلبژارتنان، چونکی دەم نەمایە بۆ بەرھەڤی یێن ھەلبژارتنان، بەلێ پشتی کاراکرنا کۆمسیۆنێ دێ بەرھەڤی ھێنە دەستپێکرن بۆ ئەنجامدانا ھەلبژارتنان و ناھێلین جارەکا دی ڤالاھییا قانوونی ل ھەرێما کوردستانێ پەیدا ببیت و جارەکا دی ژییێ پەرلەمانی بھێتە درێژ کرن.