گۆهڕین د ڕەشنڤیسێ بۆدجێدا كۆدەتایەكا سیاسییە ل دژی ھەرێمێ
نەوزاد هێتوتی، ماموستایێ زانکۆیێ و شارەزایێ پەیوەندییێن ناڤدەولەتی
ئەو گۆهڕینێن د پشکا هەرێمێ ژ ڕەشنڤیسێ بۆدجەی ژ لایێ لژنا دارایی یا پەرلەمانێ عیراق ڤە هاتینە کرن زێدەتر ب سەر کۆدەتایاسیاسی ڤە دچن نەک هنارتنا پشکا بۆدجەیێ بۆ هەرێمێ.”
ب مخابنیڤە گۆهڕینێن گەلەک مەزن د وان بەدێن پەیوەندی ب هەرێمێ ڤە هەین هاتینە کرن، ب تایبەتی د ماددێن(13-14) دا، پشکەک ژ وانگۆهڕینان:
ئێک، پێدڤییە هەرێم 400 بەڕمیلێن نەفتێ رادەستی بەغدا بكەت ئەڤجا چ نەفتێ بهنێریت یان نە.
دوو، داھاتێ نەفتا ھەرێمێ دێ ل بن دەسهەلاتا وەزارەتا داریی دا بیت نە یا ھەرێمێ.
سێ، ئەگەر ناكوكی دناڤبەرا ھەرێمێ و بەغدا دروستبوون ددەمێ 15 رۆژان دا ئەگەر نە هاتنە چارەسەرکرن ل وی دەمی دێ بودجەیاهەرێمێ هێتە بڕین.
چار، ئەگەر بەغدا ب پێدڤی زانی دشێت بۆدجەیا پارێزگەهان جودا بهنێریت ئانکو ئەوا ئێکەتیێ داخواز کری.
پێنج، پێدڤیە ھەرێم دەستبەرداری زەڤییێن نەفتێ یێن شێخان وكۆرمول ببیت كو شیانا نێزیكی 200 ھزار بەڕمیل نەفتێ ھەنە و پێدڤیەرادەستی بەغدا بكەت حكومەتا فیدرالی دێ پشکدار بیت د بڕێڤەبرنا دەرگەهێن سنووریدا.
ئەوا د خالێن ل سەری دا بۆ مە وێ چەندێ دیار دکەن کو ئەوا ل لژنەیا دارایی رووددەت ب هەمی مانایەکی ڤە کودەتایە ل سەر هەرێماکوردستانێدا و ئەگەر ئەو خالە بهێنە بجهئینان چ تشتەک ب ناڤێ هەرێم نا مینیت.
پشکەکا زۆر یا خالان، هەڤدژە دگەل دەقێن دەستوورێ عیراقێ، هەروەسا هەڤدژە دگەل هەمی وان ڕێککەڤتنێن هەرێمێ دگەل عیراقێ کرین.
یا ژ هەمییان سەیرتر ددەمەکی دا باس ل وێ چەندێ دکەت کو پێدڤیە هەرێم 400 هزار بەڕمیلێن نەفتێ ڕادەستی بەغدا بکەت یان بهنێریت د هەمان دەم ژی دا پێدڤیە نەفتا زەڤییێن شێخان و کۆرمول رادەستی بەغدا بکەت، ب وێ ڕامانێ بیت هەرێم دێ شێت بتنێ 200 هزار بەڕمیلێن نەفتێ بەرهەمئینیت.
ئەڤە ب هەمی ڕامانەکی پیلان و بەڕنامەیەکێ مەترسیدارە دژی قەوارەیێ هەرێمێ، ب مخابنیڤە پەرلەمانتارێ ئێکەتییێ ئیمزا ل سەر کریە.
ئانکو پێدڤیە پارتی ب ڕوهنی دگەل ئەوان لایەنێن ڕێککەڤتن دگەل کری باخڤیت و باس ل وان خالێن ڕێککەڤتین هاتیە کرن بکەت یان ژیپێدڤیە ئەو ڕێککەڤتنا دناڤبەرا حکومەتا هەرێمێ و بەغدا دا هاتیە کرن ل پەرلەمانی بهێتە پەسەند کرن یان ژی ب چ شێوەیەکی وێ کودەتایێقەبیل نەکەت و چ یا دبیت بلا ببیت.
یا ژ هەمیێ خۆشتر بۆ داپوشینا پیلانێن خۆ و غافلکرنا ڕایا گشتی یا خەلکێ هەرێمێ، باس ل ڤەگەڕاندنا 10% یا مووچەیێ پاشەکەفتکریدکەن کو پێدڤییە ژ لایێ هەرێمێ ڤە بهێتە دان بێی کو بەغدا ئێک فلس ژی بۆ ڤێ مەرەمێ ب مەزێخیت.
