ڕاگەهاندنەک ژ فڕاکسیۆنا پارتی ل پەرلەمانێ عیراقێ

فڕاکسیۆنا پارتی ل پەرلەمانێ عیراقێ: دێ ل دژی ڤێ نە دادی و غەدرا مەزن ڕاوستین یا کو ل خەلکێ هەرێما کوردستانێ دهێتە کرن

فراکسیۆنا پارتی ل پەرلەمانێ عیراقێ دەربارەی گۆهڕینێن د هەردوو ماددێن 13-14 یێن پرۆژە یاسایا بودجەیدا هاتینە کرن ڕۆهنکرنەکبەلاڤکر و ڕاگەهاندیە، ئەو گۆهوڕینە هەڤدژی دەستووری و ڕێککڤتنا دناڤبەرا حکومەتا هەرێما کوردستانێ و حکومەتا فیدڕالی داینە.

دەقێ ڕۆهنکرنا فراکسیۆنا پارتی دیموکراتی کوردستان ل پەرلەمانی عیراقێ:

بمخابنیڤە بەروڤاژی دەستووری و بەروڤاژی ئەوی دەقێ نڤیسارا پڕۆژە بودجەیا عیراقێ بۆ سالێن( 2023 و 2024 و 2025) کو ل جڤاتاوەزیرێن عیراقێ و د کۆمبوونا هەڤپەیمانەتییا بڕێڤەبرنا دەولەتێ دا ڕێککەڤتن ل سەر هاتبوو کرن، هەر وەسا بەروڤاژی ڕێککەڤتنا دناڤبەراحکومەتا هەرێما کوردستانێ و حکومەتا عیراقا فیدراڵ، کۆمەکا پەرلەمانتارێن لایەنان دەنگ ب زێدەکرنا هندەک بڕگەیێن نوو بۆ هەردووماددەیێن (13 و 14) یێن پڕۆژە یاسایا بودجێ دا ، ئەم ل فراکسیۆنا پارتی دژی ئەڤێ نە دادی و غەدرا مەزن د ڕاوستین یا کو ل خەلکێکوردستانێ دهێتە کرن و دێ بزاڤێن خۆ ژ پێخەمەت چەسپاندنا مافێن ڕەوا یێن گەلێ مە بکار ئینین.

ئەوا بۆ مە جهێ سەرسوڕمانێ ئێکەتییا نیشتیمانییا کوردستانێ ل لژنەیا دارایی یا پەرلەمانێ عیراقێ جارەکا دی وەک حزبەکا کوردی،بتنێ دەنگێ خۆ ئێخستە پاڵ ئەوان دەنگێن کو ل دژی مافێن یاسایی و دەستووری یێن خەلکێ کوردستانێ د ڕاوستن، بۆ ئەڤێ دژڕاوەستیانا وان ژی بەرامبەر مافێن دەستووری و یاساییێن خەلکێ کوردستانێ دڤێت بهانەیا ب وێ چەندێ چەندێ بینن وەکی ئەو دبێژنپشتەڤانییا ڤەگەڕاندنا پشکەک ژ مووچەیێ پاشەکەفتکری یێ فەرمانبەرێن کوردستانێ دکەن! ئەڤا هە ئاخکرنە د چاڤێن خەلکی دا و مە دڤێتبۆ هەمی لایەکی ڕۆهن بکەین کو ئەگەر یاسایا بودجەیێ وەکی کو ل لژنەیا دارایی یا پەرلەمانێ عیراقێ و ئێکەتییا نیشتیمانی یا عیراقێ وهندەک لایەنێن دی دەنگ ل سەر دای دەرباز ببیت، ل وی دەمی نە بتنێ پاشکەفت نا زڤڕیت بەلکو چارەنڤیسێ مووچەیێ فەرمانبەران وگشت شایستەیێن دارایی یێن هەرێما کوردستانێ دێ کەڤنە د مەترسیەکا مەزندا!

ئەگەرێ ئێکێ یێ پاشەکەفتکرنا پشکەک ژ مووچەیێ فەرمانبەرێن هەرێما کوردستانێ دکەڤیتە ستۆیێ بەغدا ل وی دەمێ بودجە وشایستەیێن دارایی یێن هەرێما کوردستانێ بڕین، لەورا حکومەتا هەرێما کوردستانێ و ئەم ژی ل فڕاکسیۆنا پارتی د بزاڤێن جدیدابووین ژبۆ هندێ حکومەتا عیراقێ پێگیریا خۆ دەربارەی ب دانا پشکەک ژ مووچەیێ پاشەکەفتکری یێ فەرمانبەرێن هەرێمێ بجهبینیت، و دحالەتەکیدا ئەگەر حکومەتا عیراقا فیدڕال  ئەڤ پیگیریا ئەخلاقی یا خۆ ژی بجهنەئینابایە، ب پشتڕاستیڤە ل داهاتووی حکومەتا هەرێمێ بخۆپلان بۆ دانا پاشەکەفتێ فەرمانبەرێن هەرێمێ هەبوو.

ئەوا ئێکەتییێ و نەیارێن هەرێما کوردستانێ کری پیلانەکا ژەهراوییە ل دژی هەرێما کوردستانێ و چ ژ خیانەتا 16 ئۆکتۆبەرێ کێمتر نینە.