جێگرێ سەرۆکێ پەرلەمانێ عیراقێ ب نڤیسارەکێ داخواز ژ لژنەیا دارایی یا پەرلەمانێ عیراقێ کریە ڕاستڤەکرنا ئەندامێن لژنێ بکەنە ڤە کو بەروڤاژی پەیڕەوێ ناڤخۆ یێ پەرلەمانێ عیراقێ یە و تا پێداچوونێ بۆ ئەندامێن لژنێ کارێن وێ لژنەیێ هاتینە ڕاگرتن.
ئەڤڕۆ شەمبی 27 ئایارا 2023، شاخەوان عەبدوللا، جێگرێ سەرۆکێ پەرلەمانێ عیراقێ ب ژمارە (419) نڤیسارەک ئاراستەی لژنا دارایی یا پەرلەمانێ عیراقێ کریە و تێدا ئاماژە کریە، ل گۆرەی ماددا 73 ژ پەیرەوێ ناڤخۆ یێ پەرلەمانێ عیراقێ کو ژمارا ئەندامێن لژنێ دیارکریە کو نابیت ژ 21 ئەندامان زێدەتر بیت و دەستهەلات ب سەرۆکایەتییا پەرلەمانی دایە کو ڕاستڤەکرنا ژمارا ئەندامێن لژنەیێ بکەت ب مەرجەکی ژ دوو ئەندامان زێدەتر نەبیت، ئەڤە د دەمەکی دایە د کۆمبوونان دا دیاربوویەلژنەیا دارایی یا پەرلەمانێ عیراقێ ژ 24 ئەندامان پێکهاتیە.
شاخەوان عەبدوللا ڕۆهنکریە، کو ئەڤە پێشێلکارنا پەیڕەوێ ناڤخۆ یێ پەرلەمانێ عیراقێ یە و ئەڤەژی کارتێکرنێ ل سەر پڕۆسەیا دەنگدانێ ل لژنەیا دارایی دکەت.
هەر د نڤیسارێدا شاخەوان عەبدوللا، کارێن لژنا دارایی ڕاگرتینە تا وی دەمێ پێداچوون بۆ پەیکەرێ پێکئینانا لژنێ دهێتە کرن و ژمارەیا ئەندامێن لژنێ دهێنە ڕێکخستن بۆ 23 ئەندامان ل شوینا 24 ئەندامان و دەرئینانا ناڤێ ئەندامەکێ لژنێ کو ل گۆرەی پەیرەوێ ناڤخۆ یێ پەرلەمانی یێ زێدەیە.
هەر وەسا جێگرێ سەرۆکێ پەرلەمانێ عیراقێ، دەمێ 24 دەمژمێران بۆ لژنەیێ دیارکریە کو کار ل سەر ناڤەڕۆکا ئەوێ نڤیسارێ بکەن و دەرئەنجامان بۆ ڤەگەڕینن.
