ئێدى نابیت ژن پشكدارییێ دقاره‌مانییێن له‌شجوانییێدا بكه‌ن

ئێكه‌تییا له‌شجوانییێ ل عیراقێ ره‌تكر ئێدى ژن پشكدارییێ د قاره‌مانییێن له‌شجوانییێ یێن ژ ده‌رڤه‌ و ناڤا وه‌لاتیدا بكه‌ن، ژبه‌ركو دگه‌ل دابونه‌ریت و بنه‌مایێن ئایینى یێن عیراقێ ناگۆنجیت.

فایز عه‌بدولحه‌سه‌ن سه‌رۆكێ ئێكه‌تییا له‌شجوانییێ و جێگرێ ئێكه‌تییا له‌شجوانییا ئاسیا راگه‌هاند، ئایین و نه‌دابونه‌ریت رێكێ ناده‌ن ژن پشكدارییێ د وان قاره‌مانییێن له‌شجودانییێدا بكه‌ن یێن ژلایێ ئێكه‌تییێن نێڤده‌وله‌تى و ئاسیاڤه‌ دهێنه‌ رێكخستن.

ئاماژه‌ ب هندێ دا، ئاساییه‌ ژنێن عیراقێ یارییا له‌شجوانییێ بكه‌ن داكو له‌شه‌كێ ساخله‌م و ب هێز هه‌بیت، لێ نابیت پشكدارییێ د قاره‌مانییاندا بكه‌ن، ژبه‌ركو به‌رۆڤاژى ئایین و دابونه‌ریتایه‌.

هه‌روه‌سا دیاركر، پلان هه‌یه‌ قاره‌مانییه‌كا تایبه‌ت بۆ ژنان بهێته‌ڤه‌كرن كو ستافه‌كێ ژنان دێ سه‌رپه‌رشتییێ ل وێ قاره‌مانییێ كه‌ت و ب تمامى ژ قاره‌مانییا زه‌لامان یا جۆدایه‌.