کۆڤان حسێن
بێ ھیچ رتوشهك و بێ ھیچ ل بەرچاڤ گرتنەك بۆ بھایێ رستا و پەیڤا و بیێ ھیچ دبلۆماسییەت و سیاسەت بیێ ھیج میکاج و خەملاندنەك بیێ ھیچ خاترگرتنەك و ئاشکرا و رۆژا نیڤرۆ دڤیا ڤێ راستییێ ھەر کەسێ کورد بیت و بێژیت (نان) ل بیرا خو بینیت. بەغدا و سەرانێن بەغدا شیعە و سنە و لاواز و بھێز و ب (عەگال ب فێس) ئێك نێرین بۆ کوردا و کوردستانێ ھەیە، ئەوژی دیتنەکا کونیالیزمییا گەنەیە و کوردستان میتنگەھەکا داگیر کرییە و ھیچ رۆژەکێ عێراقێ پرۆژەك پێشنیارهك و خاترگرتنەك بۆ کوردا و کوردستانێ نەبوویە و نابیت ژی. 100 سالە ئەم عێراقی ژ بلی خاپاندنێ ب چەند پەیڤان و رازیکرنێ بھندێ ھەتا ھێزا خوه خرڤە دکەن ھەتا بەر پێت خوه بینن ھەتا مە ب دەمکی ھاویژ بکەن. چ دی ڤێ نینە. لنك علمانێن وان دا ئەم گەفا ھەرە مەزنا پرۆژێ نەتەوا عەرەبین ل دەف ئیسلامیێ وان ب باشترین تشت کورد (ئەجنەن). کێ ھندە بەغدا شرین کرییە کو داگیر کەر فریادرەسێن گەلێ بن دەستن. ئەڤا ل پەرلەمانێ عێراقا داگیرگەر دبیت نەك شتەك ژخوەیە ئەڤە ناڤەرۆکا ھزرا وایە ب ھندەك کەسێن تایبەت ددەنە دیارکرن و تێرا خوە کرێگرتی ژی ھەنە ژ توخمێ کوردا ھەتا رییێن وان گەش بکەن. ھیچ جارەکێ ئەم کورد خوە رازی نەکەین کو دێ بەغدا جارەکا دی ب ملیاران دولاران ب ئاشێ کوردستانێ دا کەتن و ئەگەر ھندەك گڤاشتنێن نێڤدەولەتی نەبن ھەمی باژێرێن کوردستانێ دێ وەك باژێرێن ئوکرانیا بنە کاڤل و ئەگەر ھندەك حورمەتێ ژی نەبا ئەگەر نوکە دا (حشدا شەعبی) فوجێن جاشا ل کوردستانێ تۆمارکەتن، کورت کرنا پرسا نەتەوەیەکێ مەزن ب موچە و بودچە و نانی ڤە ژ راستی سیاسەتەکا ھەتا بێژی سەرکەڤتی بوو ژلایێ بەغدا ڤە.ھەتا بێژی گەمژە و بیرکورتك و سیاسییێن (سدفێ) ئێخستن دخزمەتا پەیاما خودا. نوکەری (شریپانەکا) کەڤنا کوردایە و ھەمی سەردەما ژی تێرا داگیرکەران خوه فرۆش ھەنە وەك نوکە دیار ب (ئێچ دی) و ئاشکرا ھەچکو (جاشایەتی) (رەئیە) جاسوسی و خوه فرۆتن (ئازادییا رادەربرینێ)یە.چەند ئەم ملەتەك سادەنە(فرنسا) ماکا ئازادییێ پشتی نەمانا حکومەتا (فیشی) سێدارە بۆ خوه فرۆشان دانا. ڤێتنامێ ب ھەمان شێوە. کوردستانێ ئەگەر گەندەلی خیانەت نەبیت دێ چەوا جاشاتی خیانەت بیت. ب ڤی ئاوای بیت مەرحهبا سەردەمەکێ دریژێ بن دەستی و چاڤ شورییێ. مەرحەبا دووبارە جارەکا دی (شیمال الحبیب). مخابن ھێشتا تژی ڤان کۆلانان ئەو کوردن تژی ھیڤی نە دێ بەغدا ل کوردستانێ خودان دەرکەڤیت، مخابن ھێشتا تژی کوردستانێ ئەون یێن وەسا بیردکەن عێراق دێ کوردستانێ بڤی رەنگی ئاڤا ھێلیت. حالێ روژھەلاتێ کورستانێ چییە دێ بۆ مە باشترین نموونە بیت ژ خوە باسێ باکور ناکەین. نەك پەترۆلێ خوه (تەحینا ئامیدییێ) ژی بدەن بەغدا. ئەو ژ بیرا فاشیزما خوە پاشگەز نابن. پرۆژێ داگیرکەرانە کوردستانێ تووشی شکاندن و ھەرەسێ بکەن ب ھاریکاریا ھندەک کوردێن(….)
