وەزارەتا كارۆبارێن كومەلایەتی ژمارەكا دەلیڤەیێن كاری دێ ڕاگەهینیت

وەزارەتا كارۆبارێن كومەلایەتی لسەر بڕیار و ڕاسپاردەیا كوێستان محەمەد، وەزیرا كار و كارۆبارێن كومەلایەتی دەلیڤەیێن كاری بۆ ژمارەكا دەرچوویێن نەدامەزراندی دێ ڕاگەهینیت ب شێوێ گرێبەستێن نەحكومی دگەل ڕێكخراوێن نیڤدەولەتی.

ئەڤ دەلیڤەیە دێ بۆ مالێن زارۆكێن بێ سەمیان و دانعەمر و پەككەفتییان و سەنتەرێن زارۆكان و مالا توندوتیژییا دژی ژنان و سەنتەرێن ڕاهێنانێ بیت ژبۆ زێدەتر خزمەتا سازییێن كومەلایەتی.

ئەڤ كه‌سێن مه‌رجێن ل خوارێ تێدا هه‌بن دشێن فۆرمێن وەزارەتا كارۆبارێن كومەلایەتی دابگرن؛

– پێدڤییە ژییێ وان ژ 40 سالییێ زێدەتر نەبیت.

– پێدڤییە ئاكنجییێ سەنتەرێ باژێرێ هەولێرێ بیت.

– پێدڤییە زانیاریێن ڕاست پێشكێش بكەن و ئەگەر زانیاری دروست نەبن دێ هێتە ڕەتكرن.

– نابیت داخوازكەری مووچە ل چ دامودەزگایێن حکومی و کەرتێ تایبەت هەبن.

– پێدڤییە داخوازكەر ئەڤان بەلگەنامە و کۆپییان ل ڕۆژا سەرەدانكرنێدا دگەل خۆ بینن (کارتا نیشتیمانی، کارتا زانیارییان، كاغەزەكا موختاری، باوەرنامە یان پشتەڤانییا دەرچوونێ) .

– پێدڤییە داخوازكەر زمانێ ئینگلیزی بزانیت و شیانا (نڤێسین، خواندن، ئاخڤتنێ) هەبیت.

– پێدڤییە داخوازكەر شیانا بكارئینانا كۆمپیۆتەری هەبیت.

– پڕۆسا پێشکێشکرنا داخوازكەری (سیڤی) ب چەند قۆناغاندا هەبیت.

دەرگەهێ پێشكێشكرنێ ل 30-05-2023ێ دەمژمێر 8:30 سپێدێ دەستپێكەت.