ده‌مێ چوونا کاروانێ ئێكێ یێ حه‌جییێن هەرێمێ بۆ سعوودییە هاته‌ دیار كرن

ئاژانسا خانی” تایبەت:

پەیڤدارێ رێڤەبەرییا گشتییا حەج و عومرێ ئاشکرا کر، رۆژا 9ی ھەیڤا داھاتی دێ ئێکەم کاروانێ حەجییان ژ ھەرێما کوردستانێ بۆ سعوودییێ بڕێکەڤن و ھەموو بەرھەڤی ژی بۆ ئەنجامدانا حەجا ئەڤ سالە ھاتینە کرن.

کاروان ستوونی، پەیڤدارێ حەج و عومرا ھەرێما کوردستانێ بۆ ئاژانسا خانی دیارکر” ھەموو بەرھەڤی بۆ پرۆسا حەجا ئەڤ سالە ھاتینە کرن و تیمەکا وەزارەتا ئەقاف و کارۆبارێن ئاینی نوکە ل وەلاتێ سعوودییێ بەرھەڤییان بۆ چوونا حەجییێن ھەرێما کوردستانێ دکەن، ھەموو بەرھەڤی ژی ھاتینە کرن ھەر ژ جھێ مانا حەجییان و ئۆتێل و خوارن و پێدڤییێن رۆژانە.

کاروان ستوونی گۆت ژی” بڕیارە ئێکەم کاروانێ حەجییێن ھەرێما کوردستانێ ل رۆژا 9ی ھەیڤا خزیرانێ ب رێیا ھشکاتی بەرەف وەلاتێ سعوودییێ بچن و لدووڤدا دێ چەندین کاروانێن حەجییان بۆ بجهئینانا فەریزا حەجێ بەرەف سعوودییێ چن، بەلێ ئەڤێن بڕیارە ب رێیا ئاسمانی بچن دێ ھندەک گیرۆ بیت، لدووڤ پشکا ھەرێما کوردستانێ چار ھزار 685 کەس دێ فەریزا حەجێ ئەنجامدەن.