روونكرنه‌ك ژ په‌یڤدارێ پارتى دیموكراتى كوردستان

په‌یڤدارێ حزبا پارتى دیموكراتى كوردستان دروونكرنه‌كێدا ل دۆر هه‌لبژارتنێن خۆلا بهێت یا په‌رله‌مانێ كوردستانێ دیاركر، پارتى دیموكراتى كوردستان هه‌موو بزاڤ بۆ هندێ كرینه‌ كو هه‌لبژارتن د ده‌مێ خوه‌ یێ قانوونیدا بهێنه‌كرن، داخواز ژ هه‌موو لایه‌نێن سیاسى كرییه‌ ئاماده‌كارییان بۆ هه‌لبژارتنان بكه‌ن.

مه‌حموود محه‌مه‌د په‌یڤدارێ پارتى دیموكراتى كوردستان راگه‌هاند، بۆ هه‌موو لایه‌كى یا ئاشكرایه‌ كو پارتى دیموكراتى كوردستان ل ده‌مێ قانوونى و دووماهییا خۆلا پێنجێ یا په‌رله‌مانێ كوردستانێ، هه‌موو بزاڤ بۆ هندێ كرینه‌ كو هه‌لبژارتنێن خۆلا بهێت یا په‌رله‌مانى ل ده‌مێ خوه‌ یێ ده‌ستنیشانكرى بهێنه‌كرن، بۆ ڤێ مه‌ره‌مێ ژى د كۆمبوون دسه‌ره‌دانین خوه‌دا دگه‌ل لایه‌نێن سیاسى، داخوازا هاڤێتنا پێنگاڤێن جدى بۆ به‌رهه‌ڤییێن هه‌لبژارتنان ل دووڤ ده‌مێ قانوونى كرییه‌.

په‌یڤدارێ پارتى ئاماژه‌ ب هندێ ژى دا، نوكه‌ ئه‌و به‌حسا پێنگاڤ و ب خه‌مبوونا خوه‌ بۆ پرۆسه‌یێ ناكه‌ن، به‌لكو داخوازێ ژ هه‌موو لایه‌ن و وه‌لاتییێن كوردستانێ دكه‌ن، هه‌ر ئێك و ب ئه‌ندازه‌یا به‌رپرسیارییا خوه‌ هاریكار و رێخۆشكه‌ر بیت بۆ كرنا هه‌لبژارتنێن پاقژ، هه‌روه‌سا داخوازێ ژ حكومه‌تێ و داموده‌زگه‌هێن په‌یوه‌ندیدار دكه‌ن، پێنگاڤێن پێدڤى بۆ سه‌رخستنا پرۆسه‌یێ پاڤێژن.

دووپات ژى كر، یا بۆ پارتى گرنگ ئه‌وه‌، هه‌لبژارتنێن په‌رله‌مانێ كوردستانێ بهێنه‌كرن و سه‌ركه‌ڤتنێ بۆ هه‌موویان دخوازن.