نێچيرڤان بارزانى، سه‌رۆكێ هه‌رێما كوردستانێ، د په‌يوه‌ندييه‌كا ته‌له‌فۆنيدا دگەل بافڵ تاڵه‌بانى، سه‌رۆكێ ئێکەتییا نيشتمانيىا كوردستانێ، بۆ (48) سالییا دامه‌زراندنا ئێکەتییێ، پيرۆزباهى ل جڤاتا بلند یا سیاسی و بەڕژەوەندییان و مەکتەبا سیاسی و سەرکردایەتی و تەڤایا ئەندام و جەماوەرێ ئێکەتییا نیشتیمانییا کوردستانێ کر و هیڤیا سەرکەفتنێ بۆ خواستن.
سه‌رۆك نێچيرڤان بارزانى هه‌ر ب ئەڤێ هەلکەڤتێ زێدەباری ئاماژە کرن ب خەبات و دیرۆکا ئێکەتییێ پێگەهــ و ڕۆلێ خودێ ژێ ڕازی سەرۆک مام جەلال ل بیر ئینا و هیڤی خواست ئەڤ هەلکەڤتە ببیتە پشتەڤان بۆ ئێکڕێزییا پێکڤە یا لایەنێن سیاسی، ب تایبەت یا پارتی و ئێکەتییێ.
ژ لایێ خۆ ڤە بافڵ تاڵه‌بانی، ب ناڤێ خۆ و سەرکردایەتییا ئێکەتیێ، سوپاسی و پێزانین بۆ پیرۆزباهی و پەیوەندییا سەرۆکێ هەرێما کوردستانێ دیارکر و هیڤییا سەرکەفتنێ بۆ خواست.
