ئەحمەد عەبدولا زوبێر، ڕێڤەبەرێ ڕاگەهاندنا پەروەردا گشتی یا پارێزگەها دهۆکێ بۆ ئاژانسا خانی ڕاگەهاند، سوبەهی ل ڕۆژا شەمبیڕێکەڤتی 3 خزیرانا 2023, ب ئامادەبوونا د.ئالان حەمە سەعید، وەزیرێ پەروەردێ یێ حکومەتا هەرێما کوردستانێ، دێ ئەزموونا ئێکێ ژئەزمونێن گشتی یێن پولا 12 ئامادەیی هێتە کرن.
ڕێڤەبەرێ ڕاگەهاندنا پەروەردا گشتی یا پارێزگەها دهۆکێ دیارکر، هەموو ئامادەکاری بۆ بڕێڤەچوونا ئەزموونان ب شێوەیەکێ گەلەک باشهاتینە کرن و ب مەرەما کونتڕۆلکرنا بزاڤێن ئەنجامدانا قوپایایێ هەر ژ سوبەهی دەمژمێر چاری سپێدێ تا دەمژمێر نەهی بەری نیڤڕۆ دێهێلا ئەنترنێتێ ل سەرانسەری پارێزگەهێن هەرێما کوردستانێ هێتە بڕین.
ئەحمەد عەبدوللا گۆت، سوبەهی ل سەرانسەری پارێزگەها دهۆکێ ل دمژمێر 7:30 سپێدێ، 26 هزار و 170 قوتابى کو ل سەر 529 بنگەهاندا هاتینە دابەشکرن دێ ئەزموونێن گشتی یێن پولا 12 ئامادەیی ئەنجامدەن.
