دوهی رۆژا ئەینی و دگەل داخستنا بازارێن جیهانێ، بهایێ پەترۆلێ ب رێژا 2% بلندبوو. ئەگەرێ بلندبوونا بهای ژی بۆ رێكەفتنا دناڤبەرا كۆماری و دیمۆكراتان دا ل سەر پرسا قەرزێن ئەمریكا ڤەدگەریت.
بهایێ پەترۆلا برێنت 1 دۆلار و 85 سەنتان بلندبوو و ب 76 دۆلار و 13 سەنتان بازار پێ هاتەكرن. بهایێ بەرمیلەكا خاڤا تێكساس ژی 1 دۆلار و 64 سەنتان بلندبوو و ب 71 دۆلار و 74 سەنتان بازار پێ هاتەكرن.
پشتی جڤاتا پیران یا ئەمریكا یاسایا بلندكرنا ئاستێ قەرزان و كێمكرنا خەرجییان پەسەندكری، جۆ بایدن، سەرۆكێ وی وەلاتی راگەهاند ئەڤرۆ دێ ئیمزایێ ل سەر وێ یاسایێ كەت و دێ چیتە د بوارێ بجهئینانێ دا.
