سهرۆكوهزیران مهسرور بارزانى و شاندهكێ وهلاتێ ژاپۆنێ ل دۆر دهرفهتا پێشڤهبرنا پهیوهندییێن دناڤبهرا ههرێما كوردستانێ و ژاپۆنێ كۆمبوو.
سهرۆكوهزیران مهسرور بارزانى پێشوازى ل شاندهكێ ژاپۆنى كر كو ژ كانسوكى ناگائۆكا هاریكارێ وهزیرێ دهرڤه یێ ژاپۆنێ و بهرپرسێ كاروبارێن رۆژههلاتا ناڤین و ئهفریكا و فوتۆشى ماتسۆمۆتۆ بالیۆزێ ژاپۆن ل عیراقێ و نوونهرێ ژمارهیهكا كۆمپانییێن ژاپۆنێ پێكهاتبوو.
سهرۆكوهزیران خۆشحالییا خوه ب سهرهدانا شاندێ ژاپۆنێ بۆ ههرێما كوردستانێ نیشاندا و ئاماژه ب هندێ دا، ئهزموونا ژاپۆنێ ژ ههژى مفا وهرگرتنێ یه، ب تایبهت دبوارێن وهبهرهێناندا ل سامانێن مرۆڤى و پێگههاندنا نڤشێ نوو ل سهر داهێنان و پێشخستنێ، كو ئهزموونا ژاپۆنێ دڤان بوارندا جهێ پێزانین و مهندههۆشییێ یه و دشیاندایه گهلهك یا مفادار بیت.
دكۆمبوونێدا هزر و بیر ل دۆر دهرفهتێن پێشڤهبرنا پهیوهندییێن دناڤبهرا ههرێما كوردستانێ و ژاپۆنێدا د بوارین ڤهگۆهاستن و گههاندن و چاندنێ و خواندن و پیشهسازییێدا هاتنه لێك گوهۆرین.
