<h3 style="text-align: justify;"><span style="font-size: 18pt;">به‌رپرسه‌كا وه‌زاره‌تا چاندنێ و ژێده‌رێن ئاڤێ ل حكومه‌تا هه‌رێما كوردستانێ ئاشكراكر، سێ جۆره پلان بۆ گه‌شه‌پێدانا به‌رهه‌مێ ناڤخۆ یێ جۆتیاران هاتینه دانان و ئه‌ڤ ساله ژى چه‌ند به‌رهه‌مێن دى یێن چاندنێ ب فه‌رمى دێ بۆ ژ ده‌رڤه هێنه هنارتن.</span></h3> <h3 style="text-align: justify;"><span style="font-size: 18pt;">زێدا محه‌مه‌د رێڤه‌به‌را گشتییا پلاندانانێ ل وه‌زاره‌تا چاندنێ و ژێده‌رێن ئاڤێ راگه‌هاند، حكومه‌تا هه‌رێما كوردستانێ ئاماده‌یى و پشته‌ڤانییا خوه یا تمام ده‌ربرییه بۆ هندێ به‌رهه‌مێ ناڤخۆ یێ جۆتیاران زێده ببیت و بازار پێ بهێته‌كرن، سێ پلان بۆ ڤێ مه‌ره‌مێ هاتینه دانان.</span></h3> <h3 style="text-align: justify;"><span style="font-size: 18pt;">زێدا محه‌مه‌د ئاشكراكر، پلانا ئێكێ پركرنا پێدڤییێن ناڤخۆ ب به‌رهه‌مێ چاندنێ یه و ژوى لایڤه هه‌تا نوكه چه‌ند به‌رهه‌م گه‌هشتینه ئارمانجێ، پلانا دووێ ناساندنا چه‌ند جۆره به‌رهه‌مێن چاندنێ ب شاندێن بیانى و وه‌لاتێن ده‌وروبه‌ر، پلانا سێیێ ژى پیشڤه‌برنا وان براندێن به‌رهه‌مێن چاندنێ نه یێن كو دێ بۆ ژ ده‌رڤه هێنه هنارتن، بۆ نموونه ل سالا بوورى رێژه‌یه‌كا باش یا هناران بۆ ژ ده‌رڤه هاته هنارتن و جهێ رازیبوونا وه‌لاتان بوو، وان نیاز هه‌نه پتر گرنگییێ پێ ب ده‌ن و كار ل سه‌ر هندێ ژى دهێته‌كرن، سێڤ، هنگڤین و ترى ببنه براند و بۆ ژ ده‌رڤه بهێنه هنارتن.</span></h3> <h3 style="text-align: justify;"><span style="font-size: 18pt;">ئاماژه ب هندێ ژى دا، حكومه‌تا هه‌رێما كوردستانێ ره‌زامه‌ندى ل سه‌ر هندێ ده‌ربرییه كو خۆلێن شاره‌زاكرنا چاندنێ و راهێنانان د بوارێ چاندنێ بۆ چه‌ند فه‌رمانبه‌ران بهێنه ڤه‌كرن و دووڤدا ئه‌و جۆره خۆله بۆ جۆتیارێن ده‌ڤه‌رێن جۆدا بهێنه ڤه‌كرن.</span></h3>
