راگه‌هاندنه‌ك ژ مه‌كته‌با سیاسییا پارتى ل دۆر پرۆژه‌ قانوونا بودجه‌ى

مه‌كته‌با سیاسییا پارتى دیموكراتى كوردستان راگه‌هاند، پارتی گه‌له‌ك ب رژدى بزاڤكرن ئه‌و پیلانا كو ب شێوه‌یه‌كێ رێكخستى د بۆ ده‌ستێوه‌ردانێ ل سه‌روه‌رییا هه‌رێمێ و بچووككرن و تێكدانا قه‌واره‌یێ هه‌رێمێ و كێمكرنا ده‌ستهه‌لاتێن وێ یێن ده‌ستوورى  كه‌ڤتییه‌ درێكێدا، ژناڤببه‌ت.

ده‌قێ راگه‌هاندنا پارتى دیموكراتى كوردستان :

راگه‌هاندنه‌ك ژ مه‌كته‌با سیاسییا پارتى دیموكراتى كوردستان

پارتییا مه‌ د ره‌وانگه‌ها هه‌ستكرن ب به‌رپرسیارییه‌تییێ به‌رامبه‌ر ژیانا وه‌لاتییێن كوردستانێدا گه‌له‌ك بزاڤكرن كو مادده‌ و برگه‌یێن قانوونا بودجه‌ى یا سالا 2023ێ یا عیراقا فیدرال ل دووڤ ئیستیحقاقاتێن ده‌ستوورى و رێككه‌ڤتنا ئیداره‌یا ده‌وله‌تێ بۆ پێكئینانا كابینه‌یێ و رێككه‌ڤتنا حكومه‌تا هه‌رێمێ و حكومه‌تا فیدرال بن، شایسته‌یێن دارایى بۆ حكومه‌تا هه‌رێمێ دابینبكه‌ت.

ژلایه‌كێ دیڤه‌ گه‌له‌ك ب رژدى بزاڤكرن ئه‌و پیلانێن كو ب شێوه‌یه‌كێ رێكخستى د رێكێدابوون بۆ ده‌ستێوه‌ردانێ ل سه‌روه‌رییا هه‌رێمێ و بچووككرن تێكدانا قه‌واره‌یێ هه‌رێمێ و كێمكرنا ده‌ستهه‌لاتێن وێن یێن د ده‌ستووریدا هاتینه‌ جهگیركرن، ژناڤببه‌ت.

سه‌ربارى هندێ كو هه‌موو تموحاتێن مه‌ د بودجه‌یدا نه‌هاتن ژبه‌ركو دڤیابا ئه‌و ده‌قه‌یێ بودجه‌ى‌ یێ كو د جڤاتا وه‌زیرێن فیدرالدا بریار ل سه‌ر هاتییه‌ دان، ده‌ستكارى تێدا نه‌هاتباكرن، لێ ژ پێخه‌مه‌ت ده‌ستكاریكرنا حكومه‌تێ بۆ بابه‌تێن مووچه‌ی و به‌رده‌وامییا وه‌به‌رهێنانێ، به‌رده‌وام نه‌بوونا ئاریشه‌یان، مه‌ بریاردا بوچوون ب په‌سه‌ندكرنا بودجه‌ى بهێته‌دان.

ل ڤێرێ یا ژ هه‌ژییه‌ سوپاسییا هه‌ڤالێن فراكسیۆنا پارتییا خوه‌ ل جڤاتا نوونه‌رێن عیراقێ و كوتله‌یا خوه‌ یا وه‌زارى ل حكومه‌تا فیدرال بكه‌ین كو ب دلسوزى رۆلێ خوه‌ دیت، داخوازا سه‌ركه‌ڤتنێ بۆ دكه‌ین.

مه‌كته‌با سیاسى

پارتى دیموكراتى كوردستان

11ى خزیرانا 2023ێ