<h3 style="text-align: justify;"><span style="font-size: 18pt;">وه‌لاتێن ئه‌ندام د ئێكه‌تییا ئورۆپادا ل سه‌ر گوهۆرینا رێكارێن وه‌رگرتنا ڤیزا شنگن رێككه‌ڤتن، ل دووڤ رێككه‌ڤتنێ، وه‌رگرتنا ڤیزا شنگن دێ ب تمامى هێته دیجیتالكرن و ئێدى ئه‌وێن سه‌ره‌دانا وه‌لاتێن ئورۆپا دكه‌ن، ستیكه‌ر ل سه‌ر پاسپۆرتێن وان ناهێنه‌دانان.</span></h3> <h3 style="text-align: justify;"><span style="font-size: 18pt;">كۆمسیۆنا ئورۆپا دراگه‌هاندنه‌كێدا ل سه‌ر سایتێ كۆمیسیۆنێ دیاركر، جڤاتا ئێكه‌تییا ئورۆپا و په‌رله‌مانێ ئورۆپا ل سه‌ر دیجیتالكرنا ڤیزا شنگن رێككه‌ڤتن، لێ هه‌تا نوكه ئه‌و رێككه‌ڤتنه نه‌چوویه دوارێ بجهئینانێدا.</span></h3> <h3 style="text-align: justify;"><span style="font-size: 18pt;">ل دووڤ رێكارێن نوو، ئێدى خوازیارێن ڤیزا شنگن پێدڤى ب هندێ نابن كو سه‌ره‌دانا كونسۆلخانه و ناڤه‌ندێن وه‌رگرتنا ڤیزا شنگن بكه‌ن و دشێن ب شێوه‌یێ ئۆنلاین بده‌ستڤه‌ببه‌ن.</span></h3> <h3 style="text-align: justify;"><span style="font-size: 18pt;">ماتیاچ نێمیج ئه‌ندامێ په‌رله‌مانێ ئێكه‌تییا ئورۆپا د تویته‌كیدا ل دۆر رێكارێن نوو دبیژیت : رێكارێن نوو دێ وه‌رگرتنا ڤیزا شنگن بۆ خوازیارێن ڤیزێ ئاسانتر، ئه‌رزانتر و بله‌زتر كه‌ن. </span></h3> <h3 style="text-align: justify;"><span style="font-size: 18pt;">ماریا مالمێر وه‌زیرا كۆچ و كوچبه‌رێن سویدێ كو نوكه سه‌رۆكایه‌تییا ئێكه‌تییا ئورۆپا دكه‌ت، گوت : ئه‌و گوهۆرینه دێ بنه ئه‌گه‌رێ هندێ كو ئاسایشا ده‌ڤه‌را شنگن بهێزتر ببیت.</span></h3> <h3 style="text-align: justify;"><span style="font-size: 18pt;">ئێكه‌تییا ئورۆپا ژ 27 ئه‌ندامێن وه‌لاتێن ئورۆپا پێكدهێت، ل دووڤ قانوونا ئێكه‌تییێ هه‌ر كه‌سه‌كێ ڤیزا ئیك ژ وان وه‌لاتان وه‌ربگریت، دێ شێت سه‌ره‌دانا هه‌موو وه‌لاتێن دى یێن ئه‌ندامێن ئێكه‌تییێ كه‌ت، وه‌لاتییێن زێده‌تر ژ 60 وه‌لاتێن جیهانێ دشێن بێى وه‌رگرتنا ڤیزێ سه‌ره‌دانا وه‌لاتێن ئێكه‌تییێ بكه‌ن.</span></h3>
