رێڤەبەرێ گشتییێ پەیوەندییان دناڤبه‌را ھەرێما کوردستانێ و ئیرانێ دا دیار كر: ژ ئه‌نجامێ وێ ھەماھەنگییێ و ئاسانکارییا دناڤبه‌را ھەرێمێ و ئیرانێ دا هه‌یی وه‌كرییه” كو رێژا لێكگۆهارتنا بازرگانییا دناڤبه‌را ھەرێمێ و ئیرانێ دا ب رێژا 25% زێده بكه‌ت و بڕیاره دو ده‌رگه‌هێن دیتر یێن سنووری بهێنه ڤه‌كرن” ئه‌ڤ چه‌نده دێ ژ ئالییێ ئه‌منی و بازرگانی باش بیت و دیسان خه‌لكێ وێ ده‌ڤه‌رێ دێ مفایه‌كێ باش ژێ بینیت.
عەبدوللا ئاکرەیی، زێده‌تر بۆ ئاژانسا خانی دیار كر: به‌ری چه‌نده‌كێ پارێزگارێن هه‌رێمێ و سەرپەرشتییارێن ئیدارێن سەربەخۆ سه‌ره‌دانا باژێرێ ئۆرمییێ ل ئیرانێ كربوو” كو تێدا پارێزگارێن ئۆرمییێ و سنه و كرمانشان تێدا پشكدار ببوون، د وێ سه‌ره‌دانێ دا به‌حس ل هندێ هاته كرن” كو قەبارێ بازرگانییێ دناڤبه‌را ھەرێما کوردستانێ و ئیرانێ بهێته زێده كرن و ب هه‌ڤبه‌ركرن ل گه‌ل سالا بوری 25% ێ قه‌بارێ بارزگانییێ ل سنوورێ حاجی ئۆمه‌ران زێده بوویه” ڤه‌كرنا وان هه‌ردو ده‌رگه‌هان لدووڤ داخوازییا حكومه‌تا ئیرانێ و هه‌رێما كوردستانێ بوویه.
ناڤهاتی گۆت ژی: د چه‌ند رۆژێن بهێن دا” دێ کۆمبوونەكا دیتر دناڤبه‌را پارێزگارێ ھەولێرێ و پارێزگارێ ئۆرمییێ ل خالا سنوورییا حاجی ئۆمەران هێته كرن، بۆ هندێ بشێن لێكگۆهارتنا بازرگانی زێده بكه‌ن” هه‌روه‌سا دو ده‌رگه‌هێن دیتر یێن سنووری كو ئێك ژ وان ده‌رگه‌هێ گیله‌شینێ یه ل سیده‌كان” و ئێك ژی ل سنوورێ قاسمه‌ره‌شه بۆ قه‌لادزێ و رانییه” دناڤبه‌را ھەرێما کوردستانێ و ئیرانێ دێ هێنه ڤه‌كرن و وه‌سا بریاره دناڤبه‌را دو هه‌یڤان دا بهێنه ڤه‌كرن.
