ل دووڤ راگه‌هاننه‌كا حكومه‌تا هه‌رێما كوردستانێ، دكۆمبووناندا دێ دانوستاندن ل دۆر پێشڤه‌برنا په‌یوه‌ندییێن هه‌رێما كوردستانێ و توركیا و دووماهى پێشهات و ره‌وشا عیراق و ده‌ڤه‌رێ هێنه‌كرن.
سه‌باره‌ت كۆمبوونا سه‌رۆكێ حكومه‌تێ و وه‌زیرێ ده‌رڤه یێ توركیا، كۆمبوون ل دیوانا وه‌زاره‌تا ده‌رڤه یا توركیا ب رێڤه‌چوو، سه‌رۆكێ حكومه‌تا هه‌رێما كوردستانێ و وه‌زیرێ ده‌رڤه یێ توركیا دانوستاندن ل سه‌ر سێ بابه‌تێن سه‌ره‌كى كر ئه‌وژى، پێشڤه‌برنا په‌یوه‌ندییێن دناڤبه‌را هه‌رێما كوردستانێ و توركیادا، بابه‌تێ ئابوورى و ئالوگۆرا بازرگانى دناڤبه‌را هه‌ردوولایاندا و پێشهاتێن سیاسییێن عیراقێ و ره‌وشا سیاسییا ده‌ڤه‌رێ ب گشتى.
