<h3 style="text-align: justify;"><span style="font-size: 18pt;">جڤاتا وه‌زیرێن عیراقێ بریاردا هه‌لبژارتنێن جڤاتا پارێزگه‌هێن عیراقێ ل 18ى كانوونا ئێكێ یا ئه‌ڤ ساله بهێنه‌كرن.</span></h3> <h3 style="text-align: justify;"><span style="font-size: 18pt;">دكۆمبوونا ئه‌ڤرۆ یا جڤاتا وه‌زیرێن عیراقێدا رۆژا 18ى كانوونا ئێكێ یا ئه‌ڤ ساله بۆ كرنا هه‌لبژارتنێن جڤاتا پارێزگه‌هێن عیراقێ هاته دیاركرن.</span></h3> <h3 style="text-align: justify;"><span style="font-size: 18pt;">دراگه‌هاندنه‌كێدا حكومه‌تا عیراقێ ئاماژه ب هندێ كر، دیاركرنا رۆژا هه‌لبژارتنێن جڤاتا پارێزگه‌هان، پابه‌ندبوونه ب كارنامه‌یا حكومه‌تێ كو ل هه‌یڤا چریا ئێكێ یا بوورى ل په‌رله‌مانێ عیراقێ هاتبوو په‌سه‌ندكرن.</span></h3> <h3 style="text-align: justify;"><span style="font-size: 18pt;">ئه‌ڤه د ده‌مه‌كیدایه، ماوه‌یه‌كه كۆمیسیۆنا بلندا سه‌ربه‌خۆ یا هه‌لبژارتنێن عیراقێ ده‌ست ب ئاماده‌كارییان كربوو، بۆ كرنا هه‌لبژارتنێن جڤاتا پارێزگه‌هان و ژلایێ حكومه‌تا عیراقێ ژىڤه بۆدجه‌یا پێدڤى بۆ هاتییه ته‌رخانكرن.</span></h3> <h3 style="text-align: justify;"><span style="font-size: 18pt;">هه‌ر ئه‌ڤرۆ 20ى خزیرانا 2023ێ جڤاتا كۆمیسیارێن كۆمیسیۆنا بلندا سه‌ربه‌خۆ یا هه‌لبژارتنێن عیراقێ دكۆمبوونا خوه‌دا دووپاتى ل ئاماده‌كارییان بۆ كرنا هه‌لبژارتنان كر.</span></h3>
