ئهڤرۆ چارشهمبی” 21 ی خزیرانا 2023 ی” لەتیف رەشیدی، سەرۆک کۆمارێ عێراقێ قانوونا بودجەیێ گشتییێ عیراقێ یێ سالێن (2023، 2024، 2025) ێ ئیمزا کر.
سەرۆک کۆمارێ عێراقێ تهكهزی ل سهر هندێ كر، كو پەسەندکرنا بودجەیی خالا وەرچەرخانا حکومەتێیە بۆ بجهئینانا بهرنامێ وێ، ژ پێدڤییێن وهلاتییان، دابینکرنا خزمەتگوزارییێن دهستپێكی وەکو ساخلهمی و پەروەردە، نووژەنکرنا ژێرخانا ئابووری و چێكرنا پڕۆژێن گرنگ و ستراتیژی کو رەنگڤهدانا ئەرێنی ل سەر واقعێ ژیانا رۆژانەیا وهلاتییان بیت.
قانوونا بودجەیێ گشتییێ عێراقێ بۆ سالێن (2023، 2024 و 2025) ێ” ژ 78 مادان پێکهاتییە و سهرجهمێ گشتییێ وی بودجەیی 198 ترلیۆن و 910 ملیار و 343 ملیۆن و 590 هزار دینار بۆ سالا دارایی 2023 ێ هاتییه خەلاندن، کو داهاتێ گشتییێ عێراقێ بۆ وێ سالێ ب 134 ترلیۆن و 552 ملیار و 919 ملیۆن و 63 هزار دیناران هاتییه دانان، ههروهسا 64 ترلیۆن و 357 ملیار و 424 ملیۆن و 527 هزار دینار کورتئینان د وی بودجەیی دا هەنه.
