ڤه‌كۆلینه‌كا ئه‌مریكى دیاردكه‌ت، ئه‌و كه‌سێن پرچا وان خه‌له‌ك زێده‌تر ژ تیشكا رۆژێ دهێنه پاراستن و كێمتر گه‌رم دبن.
ڤه‌كۆله‌رێن زانكۆیا پێنسلڤانیا یا ئه‌مریكا دبێژن: پرچا خه‌له‌ك هینكاتییێ د ده‌ته له‌شى و وه‌كه‌ت خۆدانێ پرچێ كێمتر هه‌ست ب گه‌رمێ بكه‌ت، هه‌روه‌سا هاریكارییا ب شێدار مانا له‌شى ده‌ت.
نینا یابلۆنسكى سه‌رپه‌رشتا ڤه‌كۆلینێ دبێژیت : پرچا درێژ كارتێكرن ل سه‌ر پله‌یێن گه‌رمێ هه‌یه و باشتره ل وه‌رزێ هاڤینێ پرچ یا كورت بیت.
ل دووڤ ناڤه‌ندا كلیڤلاند یا نوشدارى، بۆ خوه پاراستن ژ گه‌رما هاڤینێ و تیشكێن رۆژێ، دڤێت مه‌رجێن خوارنا شرینیاهییان، بهێنڤه‌دان و مان ل جهێن هین و ب سیبه‌ر، هه‌روه‌سا بكارئینانا دژه تیشكان و كه‌لوپه‌لێن پاراستنێ ژ تیشكا رۆژێ بهێنه بجهئینان.
ڤه‌كۆلینه‌كا په‌یمانگه‌ها نیشتیمانییا ئه‌مریكى ئاشكرا دكه‌ت، 15%ێ یا خه‌لكێ ئورۆپا پرچا وان یا خه‌له‌كه و ل سالا 2021ێ نێزیكى 56%ێ یا خه‌لكێ ئه‌مریكا پرچا وان یا خه‌له‌ك بوو، هه‌روه‌سا پێشبینى دهێته‌كرن 11%ێ یا ئاكنجییێن ئه‌ردى پرچا وان یا خه‌له‌ك بیت.
