وه‌زاره‌تا ناڤخۆ یا حكومه‌تا هه‌رێما كوردستانێ ب مه‌ره‌ما ئاسانكاریكرنا زێده‌تر بۆ وه‌لاتییان، 48 بنگه‌هێن نوو یێن تۆماركرنا چه‌كێ ئاگرین ڤه‌كرن.
وه‌زاره‌تا ناڤخۆ دراگه‌هاندنه‌كێدا به‌لاڤكر، ب مه‌ره‌ما ئاسانكاریكرنا زێده‌تر بۆ وه‌لاتییان داكو هه‌تا 21ى ته‌مموزا 2023ێ چه‌كێن خوه تۆماربكه‌ن، ب فه‌رمانا وه‌زیرێ ناڤخۆ، رێڤه‌به‌رییا گشتییا پۆلیسێن هه‌رێما كوردستانێ 48 بنگه‌هێن نوو یێن تۆماركرنا چه‌كێ ئاگرین ڤه‌كرن، زێده‌بارى به‌رده‌وامییا كارێن 42 بنگه‌هێن پێشتر.
ئه‌وژى دیاركر، داخوازێ ژ وه‌لاتییان دكه‌ن ب زووترین ده‌م سه‌ره‌دانا ئێك ژ بنگه‌هان بكه‌ن و چه‌كێن خوه بێى به‌رامبه‌ر تۆماربكه‌ن.
ئاماژه ب هندێ ژى دا، ئه‌و كه‌سێ چه‌كێ خوه تۆماردكه‌ت، دێ ئه‌و بخۆ چه‌كێ خوه هه‌لگریت و فورمه‌كا تۆماركرنێ وه‌رگریت و دێ ب وێ فورمێ شێت داخوازا موله‌تا هه‌لگرتنا چه‌كى كه‌ت ئه‌گه‌ر پێدڤى پێ هه‌بیت، یان ژى ب وێ فورمێ چه‌كێ خوه ل كۆمه‌لگه‌هێن كرین و فرۆتنا چه‌كى ب فرۆشیت، كو د پاشه‌رۆژێدا دێ ب چاڤدێرییا وه‌زاره‌تا ناڤخۆ هێنه ڤه‌كرن.
