<h3 style="text-align: justify;"><span style="font-size: 18pt;">د دیدارا دناڤبهرا سهرۆكێ حكومهتا ههرێما كوردستانێ و شاندهكێ بلندێ نهتهوهیێن ئێكگرتیدا، بهحس ل چاكسازییین كابینهیا نههێ ژلایێ ههمهجۆركرنا ئابوورى و دیجیتالكرنا خزمهتگوزارییان و كاراكرنا سیستهمێ بانكى و ئاسانكاریكرنێڤه بۆ وهبهرهێنهرێن ناڤخۆ و دهرڤه هاته كرن.</span></h3> <h3 style="text-align: justify;"><span style="font-size: 18pt;">مهسرور بارزانى سهرۆكێ حكومهتا ههرێما كوردستانێ پێشوازى ل شاندهكێ بلندێ نهتهوهیێن ئێكگرتى ب سهرۆكایهتییا عهبدولا دهردهرى هاریكارێ سكرتێرێ گشتییێ نهتهوهیێن ئێكگرتى و رێڤهبهرێ ههرێمییێ بهرنامهیێن نهتهوهیێن ئێكگرتى بۆ پێشڤهبرنا ( UNDP ) تایبهت ب وهلاتێن عهرهبى كر.</span></h3> <h3 style="text-align: justify;"><span style="font-size: 18pt;">د دیدارهكێدا هاریكارێ سكرتێرێ گشتییێ نهتهوهیێن ئێكگرتى كورتییهك دهربارهى كار و چالاكییان و ئارمانجا سهرهكییا سهرهدانا خوه بۆ عیراق و ههرێما كوردستانێ خواند، كو مهرهما وان هاریكاركرنه د بوارێ ههمهجۆركرنا ئابوورى و ژێدهرێن داهاتى و رووبرووبوونا كارتێكرنێن نهرێنى یێن گوهۆرینا سهقایدا.</span></h3> <h3 style="text-align: justify;"><span style="font-size: 18pt;">ژلایێ خۆڤه سهرۆكوهزیران مهسرور بارزانى ئاماژه ب چاكسازییێن كابینهیا نههێ ژلایێ ههمهجۆركرنا ئابوورى و دیجیتالكرنا خزمهتگوزارییان و كاراكرنا سیستهمێ بانكى و ئاسانكاریكرن بۆ وهبهرهێنهرێن ناڤخۆ و بیانى دا.</span></h3> <h3 style="text-align: justify;"><span style="font-size: 18pt;">ههروهسا دكۆمبوونێدا بهحس ل گرنگییا پاراستنا سامانێ ئاڤێ و دروستكرنا بهنداڤان هاته كرن.</span></h3>
