سه‌ربه‌ست ئامێدی: سکالایەک ل سەر قانوونا ھەلبژارتنێن ھەرێمێ ھاتییە تۆمار کرن

ئاژانسا خانی” تایبەت:

شارەزایەکێ ھەلبژارتنان ئاشکرا کر، سەرۆکاتییا ھەرێما کوردستانێ  و کۆمسیۆنا ھەلبژارتنێن عێراقێ دێ ژڤانێ برێڤەچوونا ھەلبژارتنێن ھەرێما کوردستانێ دیار کەن و سکالایەکا دی ژی ل سەر قانوونا ھەلبژارتنان ھاتییە تۆمار کرن.

سەربەست ئامێدی، شارەزایێ ھەلبژارتنان بۆ ئاژانسا خانی دیارکر” پشتی بڕیارا دادگەھا فیدڕالی بڕیارە سەرۆکاتییا ھەرێما کوردستانێ و کۆمسیۆنا سەربه‌خۆیا ھەلبژارتنێن عێراقێ ژڤانێ برێڤەچوونا ھەلبژارتنێن ھەرێما کوردستانێ دیار بکەن، بەلێ ھەتا نوکە ئەو بڕیار نەھاتییە دان بۆ دیارکرنا رۆژا ئه‌نجامدانا ھەلبژارتنان و ل رۆژێن بوری شاندەکێ کۆمسیۆنا ھەلبژارتنان سەرەدانا ھەرێما کوردستانێ کرییە.

سەربەست ئامێدی گۆت ژی” سکالایەک ل سەر قانوونا ھەلبژارتنێن ھەرێما کوردستانێ ھاتییە تۆمار کرن ل دادگەھا فیدڕالی، چونکی بڕیارە ھەلبژارتنێن داھاتی یێن ھەرێما کوردستانێ لدووڤ قانوونا بەرێ بھێنە ئەنجامدان و پەرلەمانێ کوردستانێ ژی د نوكه‌ دا یێ کارا نینە بۆ ڤێ چەندێ قانوونا ھەلبژارتنان راستڤە بکەت، بەلێ ھێشتا دادگەھا فیدڕالی چو بڕیار لدۆر ئێکلاکرنا وێ سکالایێ نەداینە.