كوشتن ب ناڤێ دينى …؟!

كۆڤان حسێن

بۆ ئەڤێن (ئەنتی) ئیسلام و ھاو ئاوازێن وان ئەگەر ئیسلام ئەو بیت یا ھندەك وێنە دکەن و ژ بەر خوە شرۆڤە و پێناسا و روودانا بۆ دروست دکەن، راست كارتێكرنا خوە ھەبا نوکە سەردەمەك بوو ئیسلام وەك گەلەك باوەرێن دی ب دووماھی ھاتبوو. ملیارەك و نیڤ موسلمان ل ڤێ دنیا ژ ھەموو رەگەز و نفش و رەنگ و توخمێن جێواز باوەری پێ نەدما، راستی بیت ئەم ھندە پێدڤییا رۆژێ و ئەرکێن سەره‌کی ژ ئیسلامێ دزانین ب پرسێن مەزن کو بووینە جھێ پرسیارێ خودانێن شیانێن زانستی بەرسڤا وانا بدەن. لێ یا جھێ پرسیارێ، ئەڤە گرێدانا ئیسلامێ ب کوشتن و تیرۆرێ و ئینکارا یێ بەرامبەر نەمازە جێواز. ئەگەر ئەڤە ناڤەرۆکا ئیسلامێ بیت وەك پروپاگەندە بۆ دھێته‌ کرن، دێ دووبارە بێژین 1500 سالا ئەڤ پرۆژە ئەڤ ئایینە بەردەوام نەدبوو بێگومان دا ب دووماھی هێت ژبه‌ركو کوشتن و خوینرێشتن بخوە دژی (ناڤۆکا) مرۆڤایە و بەرئاقل نینە ئایدیایەك ئاینەك و ھزرەك ھندە دومێ بدەتن. لێ ھەموو سەردەمەکێ ھندەك گرۆب و کەس بیێ کەس بزانیت شیانێن وان چنە و مەرەمێن وان چنە و بۆ خزمەتا کێ ھەموو جارەکێ بھانەکێ بۆ ھەموو (ئەنتی) ئیسلامێ دووپات دکەن ب کریارێن خوە یێن ڤەدەر ژ ھەر تیتالەکێ کو بۆ ھزرا ل جیھانێ ھەمی ببنە بەلکە کو شیسم ئانکو کوشتن و سەربرین. ئەڤە مەزنترین خزمەتە بۆ ئەنتی ئیسلامێ ژ لایێ ھندەك کەسێن. مخابن ھەژموونا سۆشیال میدیایێ یێ بوویە جھێ بەلاڤکرنا ھەر تشتەکێ کرێت و نە مرۆڤانی ب کراسەكێ ئایینی و ھەرکەسێ شیان ھەین و نەین بوویە (مفتییەك) خوینێ (حەلال) دکەتن. ئەڤ ھزرە گه‌له‌ك دمەترسیدارن و ژ ئەنجامێ 20 سالێن ھاندان و سوارکرنێ ب ناڤێ دینێ (داعش) بەرھەم ھات باشترین و دبیت خرابتر ل کوردستانێ بەرھەم بیت ئەگەر تاك و جڤاکی کوردی ھشیار نەبیت. کوردا ھەموو ڕەنگێن ئاریشا ھەنە ب تنێ ئاریشێن ئایینی نینن، ھزاران سالە کورد موسلمان شەرێن شیعە و سنەیان شەرێن خوارج و ئەمەویان و ھەموو شەرێن ل سەر دەمێ دەستهەلاتدارییا ئیسلامییاندا ھاتین یان کورد (بێ لایەن) بوونە یان ھندی دەڤەرێن مە ئاسێ و دیر دەست بوونە ئەڤ ڕەنگە شەڕە نەھاتنە د ناڤ کلتورێ کوردی دا. ملسلمان چەندین تیر و مەزھەب و قوتابخانە نە لێ کەس ڤێ جێوازییێ د کوردا دا دیارناکەتن و تا نوکە موسلمانییا کوردا ئێك ژ پاقژترین نموونەیێن ئیسلامێیە. کوشتن ب ڤی ڕەنگێ ل (چەمچمالێ) ڕوودای و ژبەری وێ ل زاخۆ ژی ھەمان ڕوودان ھەبوویە، ترس ئەوە ژ ڕوودانێ بیت دیاردە و ھێدی ئاین و ئیسلام ببنە قوربانێ ململانا ھندەك کەس و گرۆپا و ب ڕاستی بێ ژمارن نەما بۆ کەسەك ئاسان راستییا باش و نێزیك ببینیت. ھەموو کوشتن دھێنە ڤەکۆلین و سەدەم و پالدەرێن دەروونی و ژیانەڤانی بۆ دھێنە خاندن. کوشتن ب ناڤێ (خۆدی) ئەڤە ئیشەکا مەزنە و دیرۆك یا پرە ژ قوربانێن شیعە و سنەیان و کاتولیك و پروتستانتا و ھەموو قوربانییێن ئایدیولۆژیا نازییا یان کۆمۆنیستا، کوردستان ل بن مەترسییەکا مەزنە ئەگەر ھەموو ئالی و ناڤەندێن سیاسی و جڤاکی و کۆلتوری ھشیاری ھەستیارییا رەوشێ نەبن، ئاین دڤییا ھێلا سور بیت نە ملکێ کەسێ یە ملك و ناسناما پرانییا نەتەوەکێ یە دبێژنێ کورد. نە بیتە قوربانی میزاجێ گرۆپ و کەس و ئاراستا وێرانکرنا وەلاتی، نەخاسم ب ناڤێ ئایینی….