<h3 style="text-align: justify;"><span style="font-size: 18pt;">ئه‌ڤین سه‌عید مسته‌فا كچا باژێرێ دهۆكێ و یاریكه‌را هه‌لبژارتییێ عیراقێ یا یارییێن مه‌یدانێ، میدالییا برۆنزى د غاردانا 400م دا ل قاره‌مانییا عه‌ره‌بى یا یارییێن مه‌یدانێ ئه‌وا هه‌ڤركییێن وێ ل مه‌راكشا پایته‌ختێ مه‌غربێ هاتینه برێڤه‌برن، بده‌ستڤه‌بر.</span></h3> <h3 style="text-align: justify;"><span style="font-size: 18pt;">ئه‌ڤین سه‌عید حسێن بۆ ئاژانسا خانى دیاركر، ئه‌وێ وه‌كو به‌زۆكا هه‌لبژارتییێ عیراقێ پشكدارى د غاردانا 400م دا كر و شیا درێژاهییا غاردانێ ب 57 چركه و 13 پشكێن چركه‌ییێ ببریت و ل رێزا سێیێ بهێت و میدالییا برۆنزى بده‌ستڤه‌ببه‌ت، هه‌روه‌سا پشكدارى د غاردانا 4×100م متردا كرییه و دیسان ل رێزا سێیێ هات.</span></h3> <h3 style="text-align: justify;"><span style="font-size: 18pt;">زێده‌تر گوت : نوكه ئه‌و ل وه‌لاتێ مه‌غربێیه و كه‌مپه‌كێ راهێنانان ل وێرێ دانایه، پشتى چه‌ند دى دێ به‌ره‌ڤ وه‌لاتێ جه‌زائیرڤه چیت و پشكدارییێ د قاره‌مانییه‌كا دیدا كه‌ت، ل دووڤ گوتنێن وێ، قاره‌مانییا جه‌زائیر دێ ژ یا مه‌غربێ بهێزتر بیت و ئاستی هه‌ڤركییێ دێ بلندتر بیت.</span></h3> <h3 style="text-align: justify;"><span style="font-size: 18pt;">ئه‌ڤین سه‌عید مسته‌فا دیاركر، ئه‌وێ دڤییا ب نوونه‌رایه‌تییا كوردستانێ پشكدارى دقاره‌مانییاندا كربا، لێ ژبه‌ر نه‌بوونا پشته‌ڤانییێ و پشتگوهـ خستنا قاره‌مانێن ئۆلۆمپى، ئه‌و نه‌چاربوو وه‌كو یاریكه‌را هه‌لبژارتییێ عیراقێ پشكدارییێ بكه‌ت، هیڤییا وێ ئه‌وه د قووناغێن بهێندا ل هه‌رێما كوردستانێ ب گشتى و ل باژێرێ دهۆكێ ب تایبه‌تى، پتر پشته‌ڤانییا وان بهێته‌كرن داكو ب شێوه‌یه‌كێ باشتر بۆ قاره‌مانییان خوه به‌رهه‌ڤ بكه‌ن و ئه‌نجامێن باشتر تۆماربكه‌ن.</span></h3>
