شێروان دوبه‌ردانی: لژنەکا ھەڤپشك دناڤبەرا ھەرێمێ و بەغدا دێ ھێتە پێکئینان

ئاژانسا خانی” تایبەت:

پەرلەمانتارەکێ پارتی ل پەرلەمانێ عێراقێ ئاشکرا کر، بڕیارە لژنەکا ھەڤپشك دناڤبەرا ھەرێمێ و بەغدا بھێتە پێکئینان بۆ بجهئینانا رێکكەفتنا دناڤبەرا ھەردو حوکمەتان دا یاکو دناڤبەرا مەسرور بارزانی و محەمەد شیاع سوودانی دا ھاتییە ئیمزا کرن.

شێروان دوبەردانی، زێده‌تر بۆ ئاژانسا خانی دیار کر” بەری نوكه‌ چەندین جاران شاندێ ھەرێما کوردستانێ سەره‌دانا بەغدا کرییە و دێ سەرەدانا شاندێ ھەرێما کوردستانێ ژی دێ یا بەردەوام بیت ژبۆ بجهئینانا رێکكەفتنا دناڤبەرا ھەردو حوکمەتان دا یاکو ژ ئالییێ مەسرور بارزانی و محەمەد شیاع سوودانی ڤه‌ ھاتییە ئیمزا کرن.

شێروان دوبەردانی گۆت ژی”  بڕیارە لژنەکا ھەڤپشك بھێتە پێکئینان بۆ بجهئینانا رێکكەفتنا ناڤبەرا ھەرێمێ و بەغدا دا، ھوورکاری یێن زۆر ھەنە دناڤبەرا ھەردولایان دا، بەلێ ب رێیا لژنەکێ کو نوونەرێن وەزارەتێن پەیوەندیدار یێن ھەردو حوکمەتا دێ پشکداری تێدا ھەبیت دێ چارەسەر کەن، ئەڤە ژی د چارچوڤێ وێ رێکكەفتنێ دا ھاتییە کرن.