تورکیا راگرتنا گەشتێن خۆ ل گەل فرۆکخانا سلێمانییێ هه‌تا ده‌ستپێكا سالا بهێت درێژ کر

تورکیا راگرتنا گەشتێن خۆ ل گەل فرۆکخانا نێڤدەولەتییا سلێمانییێ هه‌تا 3-1-2024 ێ درێژ كرینه‌.

ئۆفیسا هه‌ولێرێ یا كۆمپانییا توركیش ئێرلاین راگه‌هاند كو كۆمپانییا مه‌ یا پابه‌ندى بریارێیه‌ و گه‌شتێن خۆ ل سلێمانییێ بۆ توركیا هه‌تا سالا نوو دێ هێنه‌ راگرتن” هندرین موفتى رێڤه‌به‌رێ فرۆكخانا نێڤده‌وله‌تییا سلێمانییێ راگه‌هاند” دو بریار هه‌نه‌ بۆ درێژكرنا راگرتنا گه‌شتێن وه‌لاتێ توركیا ل گه‌ل فرۆكخانا نێڤده‌وله‌تییا سلێمانییێ ئه‌و ژى بریارا حكومه‌تا توركیا و كۆمپانیا توركیش ئێرلاینه‌.

سه‌باره‌ت زیانێن مادى ژ راگرتنا گه‌شتان رێڤه‌به‌رێ فرۆكخانا نێڤده‌وله‌تییا سلێمانییێ گۆت” د ده‌مێ ڤان سێ هه‌یڤێن كو گه‌شت تێدا هاتینه‌ راگرتن پتر ژ 3.5 ملیون دۆلاران زیان ب فرۆكخانێ كه‌فتینه‌ و سه‌باره‌ت هه‌یڤێن بهێن ژى هێشتا دیار نینه‌.

ئاخفتنكه‌رێ وه‌زاره‌تا ده‌رڤه‌ یا توركیا گۆت” رۆژا چارشه‌مبى 5 ى نیسانا 2023 ێ” ئه‌سمانێ توركیا لبه‌ر بكارئینانا وان فرۆكان هاتییه‌ داخستن یێن كو ل فرۆكخانا نێڤده‌وله‌تییا سلێمانییێ‌ گه‌شتێ دكه‌ن.