<h3 style="text-align: justify;"><span style="font-size: 18pt;">وهزیرێ پهروهردێ یێ حكومهتا ههرێما كوردستانێ راگههاند دهرفهتا كارى ل كهرتێ خواندنا نهحكومى بۆ پتر ژ 15 هزار مامۆستا و فهرمانبهرێن نهدامهزراندى هاتییه دابینكرن.</span></h3> <h3 style="text-align: justify;"><span style="font-size: 18pt;">ئالان حهمه سهعید وهزیرێ پهروهردێ یێ حكومهتا ههرێما كوردستانێ دیاركر، دهرفهتا كارى ل كهرتێ خواندنا نهحكومى بۆ 15 هزار و 664 مامۆستا و فهرمانبهرێن نهدامهزراندى هاتییه دابینكرن.</span></h3> <h3 style="text-align: justify;"><span style="font-size: 18pt;">ل دووڤ وان رێنمایێن ژلایێ وهزارهتا پهروهردێڤه هاتینه بهلاڤكرن، ناڤهندێن خواندنێ یێن نهحكومى دڤێت رێژهیا مامۆستایێن وان یێن ههردهمى ئانكو ئهو مامۆستایێن كو میلاكێ وانن و نههاتینه دامهزراندن ژ 80%ێ كێمتر نهبیت،وان ماف ههیه ب رێژهیا 20%ێ ژ سهرجهمێ گشتییێ مامۆستایێن وان ( ستافێ وانهگوتنێ ) مامۆستایێن میلاكێ حكومى بن، ئهوژى ل دووڤ رێكارهكییه كو دڤێت مامۆستایێن میلاكێ حكومى یێن كو حهزدكهن ل میلاكێ نهحكومى دهوامێ بكهن ب ئێك ژ ڤان سێ شێوازان بیت.</span></h3> <h3 style="text-align: justify;"><span style="font-size: 18pt;">1 – خواستن</span></h3> <h3 style="text-align: justify;"><span style="font-size: 18pt;">2 – مولهتا بێ مووچه</span></h3> <h3 style="text-align: justify;"><span style="font-size: 18pt;">3 – پشتى تمامبوونا دهواما ناڤهندێن خواندنێ یێن حكومى بیت</span></h3> <h3 style="text-align: justify;"><span style="font-size: 18pt;">وهزارهتا پهروهردێ ب هویرى كار ل سهر هندێ كرییه كو ئهڤ قانوونه وهكو خوه بهێته بجهئینان، ل سالا خواندنێ 2022 – 2023ێ ژمارهیا سهرپێچكارێن ناڤهندێن خواندنێ یێن نهحكومى 22 ناڤهندبوون و جزایێ وان ژ 10 ملیۆن دیناران ههتا 70 ملیۆن دیناران بوو، سزایێن كارگێرییێ پێدڤى بهرامبهر وان هاتینه دهركرن.</span></h3> <h3 style="text-align: justify;"><span style="font-size: 18pt;">وهزیرێ پهروهردێ ئاماژه ب هندێ دا، ب رێكا بجهئینانا ڤێ قانوونێ رێك ل وێ چهندێ هاتییه گرتن كهرتێ خواندنێ یێ تایبهت بهێته پشتگوهـ هاڤێتن، دههمان دهمدا زێدهتر دهرفهتێن كارى دكابینهیا نههێدا هاتینه دابینكرن.</span></h3>
