ڕێڤەبەریا گشتی یا ئاسایشا هەولێرێ ڕاگەهاندیە، پشتی وەرگرتنا ڕازەمەندیا دادوەرێ ڤەکۆلینێ و دوڤچوونێ ژ لایێ هێزێن ئاسایشا هەولێرێ ڤە ب هەماهەنگی دگەل پشکا هەوالگێرییا فەرماندەییا زێرەڤانی، هێزێن ئاسایشێ شیان ل تاخێ (لاوان) ل هەولێرێ دەست ب سەرت کۆگەهەکا چەکێ بێ مۆلەتدا بگرن.
ئاماژە کریەژی، ل دەمێ پشکنینێ بۆ ئەوێ کۆگەهێ دەست ب سەر ب دەهان چەکێن جۆراوجۆر دا هاتە گرتن کو ئەو چەکە ژ جۆرێێن(کلاشینکۆف، دەمانچە، M4، قەناس و بی كەی سی) بوون.
ئاسایشا هەولێرێ دیارکریە، دەست ب سەر ژمارەیەکا زۆر یا (فیشەکان) و ب سەدان پارچەیێن يەدەگ یێن چەکی و چەند ئامێرەیێن تایبەت ب تۆڕنەکرن و لێدان و گۆهڕینا ژمارا چەکیدا هاتە گرتن و چەندین پارچەیێن جۆراوجۆر یێن کەلوپەلێن سەربازی ژی هاتنە دەستەسەرکرن کو ب شێوەیێ نە یاسایی مامەڵە پێ دهاتە کرن.
ئاشکرا کریە ژی، خودانێ کۆگەهێ یێ بناڤێ (ڕ.ع.ج) هاتیە دەستەسەرکرن و پەڕێن ڤەکۆلینێ بۆ هاتینە ڤەکرن و دێ بەرهەنگاری یاسایێ هێتە کرن.
