پەیڤدارێ وەزارەتا دارایی: پێدڤیە خەلک بزانیت دابەشکرنا مووچەی ئەرکێ وەزارەتا دارایی یا عیراقێیە

پەیڤدارێ وەزارەتا دایی ڕادگەهینیت، ئەڤرۆ چ شاندەک ژ هەرێما کوردستانێ نەچوویە بەغدا، گۆتژی: “پێدڤیە خەولک بزانیت دابەشکرنا مووچەی ئەرکێ وەزارەتا دارایی یا عیراقێ یە.”

هونه‌ر جه‌مال پەیڤدارێ وه‌زاره‌تا دارایی د دیدارەکا ڕۆژنامەڤانیدا ڕاگه‌هاند، یاسایا بودجه‌یا گشتی یا عیراقێ، یا بوویە‌ ئه‌مرێ واقع، ب ئەوێ شێوەیێ کو هاتیە پەسەندکرن ئەم سەرەدەرییێ دگەلدا دکەین.

گۆتژی: “هه‌ردوو وه‌زاره‌تێن دارایی یێن هه‌رێما كوردستانێ و عیراقێ به‌رده‌وام هه‌ماهه‌نگی یا هه‌یه، به‌ری جه‌ژنێ شاندەكێ دیوانا چاڤدێرییا دارایی یا عیراقێ هاتنه‌ هه‌رێما كوردستانێ، ل ڤێرە‌ د‌گه‌ل جڤاتا وه‌زیران و وه‌زاره‌تا دارایی و چاڤدێرییا دارایی، دەربارەی ئالییه‌ت و هه‌ماهه‌نگییێن داهاتی كۆمبوون‌”.

هەروەسا ئاماژەکر: “بەری جه‌ژنێ شاندێ هه‌رێما كوردستانێ بۆ چاوانیا جێبه‌جێكرنا به‌ندێن بودجێ‌ سه‌رەدانا به‌غدا کریە‌”.

پەیڤدارێ وه‌زاره‌تا دارایی دیارکر، د ئەڤان ڕۆژاندا دێ ڕاگەهینین، كو ئێدی دێ ئێک هەژمارا بانکی ل هەرێما کوردستانێ هەبیت، داهات هەمی دێ چنە سەر ئەوێ هەژمارێ  و هەر ل وێرێ ژی دێ دووبارە هێنە دابەشکرن و مەزاختن.

دەربارەی ڕێککەفتنا بەغدا و هەولێرێ، پەیڤدارێ وه‌زاره‌تا دارایی گۆت: “مە تێبینی لهسەر ماددێ 13 یێ یاسایا بودجەی‌ هه‌یه‌، كو‌ ل دەمێ هەبوونا هه‌ر ناكۆكییه‌كێ د دەمێ 30 رۆژاندا ژ لایێ سەرۆکوەزیران ڤە دێ ئاریشە هێتە ئێکلاکرن، بەلێ پاشی گۆهری بۆ هندێ کو ئەو پرسە دێ ل جڤاتا نوونەران هێتە چارەسەرکرن.

دەربارەی دابه‌شكرنا مووچه‌یێ فه‌رمانبه‌رێن هه‌رێما كوردستانێ ژی گۆت:” پێدڤیە خەلک بزانیت کو یاسایا بودجەی یا هاتیە پەسەندکرن، ئێدی دابەشکرنا مووچەی د ستویێ عیراقێ دایە، واتا ئەرکێ ڕاگەهاندن و دابەشکرنا ـووچەی کارێ وەزارەتا دارایی یا عیراقێ یە و ئەو ئەرکە ل سەر مە نە مایە.”