وەزارەتا پێشمەرگەیی: پلەیێن 373 ئەفسەران دهێنه‌ بلند كرن

پشتی بریاره‌كا سەرۆکێ جڤاتا وەزیران، وەزیرێ پێشمەرگەیی بریاره‌كا وەزاری بۆ بلندکرنا پلەییێن 373 ئەفسەران دەرکر، رێڤەبەرێ گشتییێ راگەهاندن و هشیارییا وەزارەتا پێشمەرگەیی گۆت “ئەو خشتە یێ نەورۆزا سالا 2022 ێ یه‌”  پلە بلند كرن ژی ژ پلەیا میلازمێ ئێكێ تێدایە هه‌تا پلەیا لیوا.”

لدووڤ بریاره‌کا وەزاری کو ئەڤرۆ سێشەمبی، 4-7-2023 ێ، شۆرش ئیسماعیل، وەزیرێ پێشمەرگەیی ئیمزا كرییه‌ 373 ئەفسەرێن وێ وەزارەتێ پلەیێن وان هاتینه‌ بلند کرن.

ئه‌و بریارا وەزاری پالپشت ب بریارا هەرێمی یا ژمارە 128 ل 11-4-2023 ێ و لبەر رۆناهییا نڤیسارا سەرۆکاتییا جڤاتا وەزیران ژمارە یا 1197 ل 20-3-2023 ێ و ب بریارا سەرۆکی جڤاتا وەزیرێن هەرێما کوردستانێ یا ژمارە 2691 ل 3-7-2023 دەرکرییه‌.