ئاژانسا خانی:
ئه‌ندامه‌كی په‌رله‌مانێ عیراقێ دیار كر: سوبه‌هی ئێكشەمبی 9 ته‌موزا 2023 ێ وەرزێ نوو یێ یاسادانانێ ل په‌رله‌مانی دێ دەستپێكه‌ت و لژنێن په‌رله‌مانێ عیراقێ سوبه‌هی ئیكشه‌مبی دێ دەست ب كارێن خۆ كەن و روونشتنا ئێكێ یا وەرزێ دووێ یێ یاسادانانێ ل رۆژا شەمبییێ 15 ی تەموزا 2023 ێ دێ ده‌ستپێكه‌ت.
شێروان دوبه‌ردانی” ئه‌و ئه‌ندامێ په‌رله‌مانێ عیراقێیه ل سه‌ر فراكسیۆنا پارتی دیموكراتی كوردستان” زێده‌تر بۆ ئاژانسا خانی دیار كر: وەرزێ دووێ یێ یاسادانانێ ل رۆژا شەمبییێ 15 ی تەموزا 2023 ێ دێ ده‌ستپێكه‌ت و تێدا ده‌نگدان ل سه‌ر ب پارێزگه‌هبوونا هه‌له‌بجه دێ هێته دان” بابه‌تێ یاسایێ نه‌فت و گازێ دێ هێته به‌حس كرن” هه‌روه‌سا هنده‌ك پرۆژێن دیتر دێ دناڤا په‌رله‌مانێ عیراقێ دا هێنه گوتۆبێژ كرن.
ناڤهاتی گۆت ژی: دناڤا ئالییێن سوننی دا بابه‌تێ لێبۆرینا گشتی هه‌یه و ئاریشه ل سه‌ر ڤی بابه‌تی هه‌یه و هه‌كه ب شێین ده‌نگدانێ ل سه‌ر وێ پرۆژه یاسایێ ژی بده‌ین” دیسان بابه‌تێ رێككه‌فتنا شنگالێ و ماده‌یێ 140 یێ ده‌ستووری و پرۆژه یاسایێ نه‌فت و گازێ” دێ دانوستاندنێ ل سه‌ر ئه‌وان هه‌موو پرۆژان كه‌ین.
شێروان دوبه‌ردانی گۆت ژی: به‌ری په‌سه‌ندكرنا بودجه‌یێ عیراقێ” حكومه‌تا عیراقێ هه‌یڤانه 400 ملیار دینار بۆ هه‌رێمێ د هنارتن و پشتی په‌سه‌ندكرنا بودجه‌یێ عیراقێ” دڤێت عێراق بودجه‌یێ هه‌رێما كوردستانێ به‌رده‌وام ب هنێریت.
