وەزیرێ ئاڤەدانکرن و ئاکنجیبوونێ ڕادگەهینیت، ل گۆرەی ئەوێ پلانا کابینەیا نەهێ بۆ وەزارەتا ئاڤەدانکرنێ دانابوو، زێدەتری 409 پڕۆژەیان ل سەرانسەری هەرێما کوردستانێ د بوارێ ڕێک و پران دا هاتینە ئەنجامدان و تمام بووینە.
دانا عهبدولكهریم وهزیرێ ئاڤەدانکرن و ئاکنجیبوونێ ڕاگەهاندیە، تا نوکە 163 پڕۆژە د بوارێ بجهئینانێ دانە و زێدەتری 409 پڕۆژەیان ل سەرانسەری هەرێما کوردستانێ د بوارێ ڕێک و پران دا هاتینە ئەنجامدان.
هەر وەسا گۆت:،”پرۆژە لسەر دوو بنەمایان هاتینە ئەنجامدان، بنەمایێ ئاکنجیبوویان و پێدڤییێن دەڤەرێ، ب شێوەیەکێ گشتی جوداهییێ دناڤبەرا دەڤەرێن جودا یێن هەرێما کوردستانێ دا ناکەین و مە بزاڤ کرینە پڕۆژەیان ب شێوەیەکێ دادپەروەرانە ئەناجامبدەین.”
دانا عهبدولكهریم دەربارەی ئاستەنگێن د ڕێکا کابینەیا نەهێ دا گۆت:”ئاستەنگان کارتێکرن ل سەر کارێن کابینەیا نەهێ کر، ب تایبەت پشتی خۆپیشاندانێن عیراقێ و دەست ژ کارکێشانا حکومەتا عادل عهبدولمههدی و هاتنا ڤایرۆسێ كۆرۆنا، کو ئەڤە ژ دەرڤەی ئیرادەیا مە بوون.”
