<h3 style="text-align: justify;"><span style="font-size: 18pt;">بۆ دابینكرنا كارهبهكا باشتر بۆ وهلاتییان، چهند یهكهیێن نوو یێن بهرههمئینان و ڤهگۆهاستن و بهلاڤكرنا كارهبێ ل پارێزگههـ و دهڤهرێن جۆدا یێن ههرێمێ دێ كهڤنه كارى.</span></h3> <h3 style="text-align: justify;"><span style="font-size: 18pt;">وهزارهتا كارهبێ راگههاند، كهمال محهمهد سالح وهزیرێ كارهبێ سهرهدانا كۆنترۆلێ كارهبا ههرێمێ كر و ژ نێزیك ئاگههدارى سیستهمێ كۆنترۆلێ كارهبێ ل وهرزێ گهرما هاڤینێ و بلندبوونا خواستا ل سهر كارهبێ بوو.</span></h3> <h3 style="text-align: justify;"><span style="font-size: 18pt;">ئاماژه ب هندێ ژى دا، وهزیرێ كارهبێ ههر دڤێ سهرهدانێدا، بۆ دابینكرنا كارهبهكا باشتر بۆ وهلاتییان، بریاردا چهند یهكهیێن نوو یێن بهرههمئینان و ڤهگۆهاستن و بهلاڤكرنا كارهبێ ل پارێزگههـ و دهڤهرێن جۆدا یێن ههرێمێ بكهڤنه كارى و كێم و كۆری بهێنه چارهسهركرن.</span></h3> <h3 style="text-align: justify;"><span style="font-size: 18pt;">وهكو دراگههاندنا وهزارهتا كارهبێدا هاتى، بریكارێ وهزارهت و رێڤهبهرێن گشتییێن بهرههمئینان و ڤهگۆهاستنا كارهبێ دڤێ سهرهدانێدا دگهل وهزیرێ كارهبێ بون، هووركارییێن سیستهمێ كارهبێ ژلایێ شیرهتكاران و ئومێد ئهحمهد رێڤهبهرێ كۆنترۆلێ كارهبا ههرێمێ ڤه هاتنه دیاركرن.</span></h3>
