په‌رله‌مانێ بریتانیا ب به‌هرا پتر یا ده‌نگان، قانوونا گرێداى كۆچا نه‌قانوونى په‌سه‌ندكر، ئێدى هه‌ر كه‌سه‌كێ ب به‌له‌مان و رێكێن نه‌قانوونى و قاچاخ بچیته ناڤ ئاخا بریتانیادا، دێ ژ مافێ په‌نابه‌رییێ هێته بێبه‌هركرن و دیپۆرتكرن.
ئاژانسا په‌نابه‌رێن سه‌ر ب نه‌ته‌وه‌یێن ئێكگرتیڤه راگه‌هاند، ئه‌و قانوونا بریتانیا ژلایێ په‌رله‌مانێ وى وه‌لاتیڤه هاتییه ده‌ربازكرن و چاڤه‌رێى په‌سه‌ندكرنا وێنه ژلایێ شاهـ چارلسێ سێیێ شاهێ بریتانیاڤه، دژى پابه‌ندییێن وه‌لاتێ وانه ب قانوونا نێڤده‌وله‌تییا مافێن مرۆڤ و په‌نابه‌رییێ و دێ كارتێكرنێ ل سه‌ر وى خه‌لكى كه‌ت، یێ پێدڤى ب پاراستنا نێڤده‌وله‌تى هه‌ى.
