فرۆکێن ئیسرائیلێ بنگه‌هـ و کۆگه‌هێن چەکی یێن سوپایێ سووریا و گرووپێن سەر ب ئێرانێڤه ل رۆژهەلاتێ سووریا بۆردومان کرن و شازده کوشتى هه‌نه، پێنج ژ سوپایێ سووریانه و یازده ژى میلیشیانه.
رووانگەها سوری بۆ مافێن مرۆڤى راگه‌هاند: ل شه‌ڤا بۆرى ئیسرائیلێ هه‌ژده هێرشێن ئاسمانى كرنه سه‌ر باره‌گا و كۆگه‌هێن چه‌كى ل باژێرێ دێره‌زور تا سنوورێ سووریا – ئیراق ل ناوچا ئەلبوکەمال، د ئه‌نجام دا شازده كه‌س هاتنه كوشتن كو یازده ژ وان میلیشیایێن سه‌ر ب ئیرانێ نه.
ئسرائیلێ چه‌ندین جاران راگه‌هاندییه، دێ به‌رده‌وامبن ژ لێدان و تێكشكاندنا بنگه‌هـ و باره‌گایێن سوپایێ سوریا و چه‌كدارێن سەر ب ئێرانێ، تاكو ئیران ب ته‌مامى ل سوریا ده‌ردكه‌ڤیت. به‌رى دوو حه‌فتییان د راپورته‌كێ دا راگه‌هاندبوو، وان ل سالا دوو هزار و بیستێ نێزیكى پێنجى ئارمانجێن سووریا تێكشاندن. ل سالا دوهزار و یازدێ ژى ده‌مێ شەر ل سووریا دەست پێکرى، سەدان بنگه‌هـ و بارەگایێن هێزێن سوپایێ سووریا و چه‌كدارێن سەر ب ئێرانێڤه کرنه ئارمانج مووشەکێن وان تێكشكاندن.
