<h2 style="text-align: justify;"><span style="font-size: 18pt;">بزانە ناڤێ چەند كەسان بۆ پاسەوانییا سنوری دەركەڤتییە</span></h2> <h2 style="text-align: justify;"><span style="font-size: 18pt;">پەیڤدارێ دەڤەرا ئێك یا پاسەوانییا سنوران ڕاگەهاند، ل هەرێما كوردستانێ هەمییێ بتنێ ناڤێ 900 كەسان بۆ پاسەوانییا سنوران زڤڕییەڤە و ل ڕۆژا 14ی ڤێ هەیڤێ وەزارەتا ناڤخۆ یا عیراقێ ب ڕێیا نامەكێ ئەو كەسە ئاگەهداركرینە یێن ناڤێن وان هاتین.</span></h2> <h2 style="text-align: justify;"><span style="font-size: 18pt;">عەقید كاروان خۆشناو، پەیڤدارێ دەڤەرا ئێك یێ پاسەوانییا سنوری ب دەزگەهێن میدیایی ڕاگەهاند، ناڤێ 900 كەسان بۆ پاسەوانییا سنوران ل هەرسێ پارێزگەهێن هەولێر و دهۆك سلێمانی زڤڕیەڤە كو بڕیارە وەك پاسەوانێن سنوران بهێنە دامەزراندن و كۆد بۆ وان هاتینە.</span></h2> <h2 style="text-align: justify;"><span style="font-size: 18pt;">دیار ژی كریە، داكو ئەو كەسێن ناڤێن وان هاتین بۆ چاڤپێكەڤتنێ نەچنە بەغدا، لیژنەیەك ژ بەغدا هاتییە و بڕیارە ئەڤرۆ ئەو لیژنە كارێن خۆ تەمام بكەت و ڤەگەڕیتەڤە. </span> <span style="font-size: 18pt;">ل دویڤ زانیارییان، بڕیارە بۆ عیراقێ ب گشتی شەش هزار كەس و بۆ هەرێما كوردستانێ دوو هزار و 600 كەس بۆ پاسەوانییا سنوران بهێنە دامەزراندن. دامەزراندن ژی تایبەتە ب دەڤەرا ئێك یا پاسەوانییا سنوری كو پارێزگەهێن هەولێر، سلێمانی، دهۆك و هەلەبجە ب درێژاهییا هزار و 30 كیلۆمەتران ڤەدگریت.</span></h2>
