سوودانى د خوازیت بالیۆزێ سویدێ ژ عیراقێ ده‌ركه‌ڤیت

سه‌رۆكوه‌زیرێن عیراقێ بریاردا بالیۆزێ سویدێ عیراقێ بهێلیت و كاربرێكه‌رێ عیراقێ ژى ل بالیۆزخانه‌یا عیراقێ ل سویدێ ڤه‌كێشیت.

په‌یڤدارێ حكومه‌تا عیراقێ راگه‌هاند، محه‌مه‌د شیاع سوودانى سه‌رۆكوه‌زیرێن عیراقێ فه‌رمان ب وه‌زیرێ ده‌رڤه‌ یێ عیراقێ كرییه‌، كاربرێكه‌رێ بالیۆزخانه‌یا عیراقێ ل سویدێ ڤه‌گه‌رینیت، بالیۆزێ سویدێ ژى به‌غدا بجهـ بهێلیت، ئه‌ڤه‌ وه‌كو به‌رسڤه‌ك بۆ سویدێ ل سه‌ر دووباره‌كرنا رێپێدانێ ب سووتنا قورئانا پیرۆز و سڤكاتیكرن ب پیرۆزییێن ئیسلامێ و سووتنا ئالایێ عیراقێ.

باسم عه‌واد په‌یڤدارێ حكومه‌تا عیراقێ دراگه‌هاندنه‌كێدا دیاركر، محه‌مه‌د شیاع سوودانى سه‌رۆكوه‌زیرێن عیراقێ داخواز ژ وه‌زاره‌تا ده‌رڤه‌ كرییه‌، بالیۆزێ عیراقێ ل ستۆكهۆلما پایته‌ختێ سویدێ ڤه‌كێشیت، داخواز ژ بالیۆزخانه‌یا سویدێ ژى كرییه‌ ژ ئاخا عیراقێ ب ده‌ركه‌ڤیت، ئه‌ڤه‌ژى وه‌كو به‌رسڤه‌ك بۆ سویدێ ل سه‌ر دووباره‌كرنا رێپێدانێ ب سووتنا قورئانا پیرۆز و سڤكاتیكرن ب پیرۆزییێن ئیسلامێ و سووتنا ئالایێ عیراقێ.