سەیف بەدر، په‌یڤدارێ وەزارەتا ساخله‌مییا عێراقێ دیار كر: “رێژا مرنێ ب ئه‌گه‌رێ تایا خوینبەربوونێ 14% ێ یه و کێمترە ژ ئاستێ دیارکری یێ جیهانی، ئەڤه ب ئه‌گه‌رێ شییانێن هەموو سازی یێن وەزارەتا ساخله‌مییێ یه بۆ دەستنیشانکرنا ڤێ نەخۆشییێ و دابینکرنا چاڤدێری یێن نۆشداری”.
هه‌ره‌سا گۆتییه، “ئەو پڕۆتۆکۆلا ژ لایێ وەزارەتا ساخله‌مییێ ڤه هاتییه پەسەند کرن، کاریگەرییا خۆ یا بلند سەلماندییە و حاله‌ت ژی ب تەمامی باش بووینە”.
پێشتر وەزیرێ ساخله‌مییا عێراقێ گۆتبوو، 377 حاله‌تێن تایا خوینبەربوونێ ل عێراقێ هاتینه تۆمار کرن و مرن ژی گەهشتییە 14% ێ ژ رێژا توشبوویان.
