<h3 style="text-align: justify;"><span style="font-size: 18pt;">وه‌زاره‌تا سامانێن سروشتییا حكومه‌تا هه‌رێما كوردستانێ دراگه‌هاندنه‌كێدا ئاماژه ب هندێ دا، د ده‌مه‌كێ گه‌له‌كێ كێمدا ئاریشه‌یا به‌نزینێ دێ هێته چاره‌سه‌ركرن.</span></h3> <h3 style="text-align: justify;"><span style="font-size: 18pt;">وه‌زاره‌تا سامانێن سروشتییا حكومه‌تا هه‌رێما كوردستانێ راگه‌هاندنه‌ك به‌لاڤكر و تێدا هاتییه، وه‌زاره‌تا سامانێن سروشتى ل چه‌ند رۆژێن بوورى بزاڤێن خوه بۆ چاره‌سه‌ركرنا ئاریشه‌یا كێمییا به‌نزینێ چر كرینه و پشتى رێپێدانێ ل 30-7-2023ێ بۆ هاورده‌كرنا به‌نزینێ ژلایێ كۆمپانیانڤه، هه‌یڤانه 71 ملیۆن لیترێن به‌نزینێ بۆ ناڤا هه‌رێما كوردستانێ دێ هێنه هاورده‌كرن و د ده‌مه‌كێ گه‌له‌كێ كێمدا ئاریشه‌یا كێمییا به‌نزینێ دێ چاره‌سه‌ر بیت.</span></h3> <h3 style="text-align: justify;"><span style="font-size: 18pt;">ئه‌وژى ئاشكراكر، ژبه‌ركو حكومه‌تا عیراقێ ژ 10-7-2023 وه‌ره پێدانا پشكا به‌نزینێ یا هه‌رێما كوردستانێ برییه، قه‌یرانا كێمییا به‌نزینێ په‌یدابوویه، ئه‌ڤه‌ژى هه‌ڤده‌مه دگه‌ل هه‌لكێشانا خواستا ل سه‌ر به‌نزینێ.</span></h3> <h3 style="text-align: justify;"><span style="font-size: 18pt;">دراگه‌هاندنێدا ئاماژه ب هندێ هاته كرن، هه‌رێما كوردستانێ رۆژانه پێدڤى ب 3 بۆ 3.5 ملیۆن لیترێن به‌نزینێ هه‌یه، پشتى هاورده‌كرنا به‌نزینێ ئاریشه‌یا كێمبوونێ دێ به‌ره‌ڤ چاره‌سه‌ربوونێڤه چیت.</span></h3>
