عه‌بدولسه‌لام بەرواری: ب تنێ پارتی یا رژده‌ كو هه‌لبژارتنێن په‌رله‌مانێ كوردستانێ بهێنه‌ كرن

 ئاژانسا خانی” زنار تۆڤی:

چاڤدێره‌كێ سیاسی دیار كر: پارتی و ئێكه‌تی دو هێزێن سه‌ره‌كینه‌ ل كوردستانێ و قه‌ده‌را وان ژی وه‌سایه‌” دڤێت هه‌ردو پێكڤه‌ كار بكه‌ن” هه‌ر چه‌نده‌ هه‌كه‌ ناكۆكی ژی دناڤبه‌ر‌ا وان دا هه‌بن” به‌لێ دڤێت ل گه‌ل هه‌ڤدو كار بكه‌ن” نوكه‌ ژ گه‌له‌ك یالانڤه‌ ره‌وش یا ئالۆزه‌” به‌لێ ئەنجامدانا دانوستاندنان دناڤبه‌را ئالییێن سیاسی دا پێنگاڤه‌كا گه‌له‌ك باشە و ڤێ جارێ سەرۆکێ هەرێما کوردستانێ” دێ ده‌مه‌كێ بۆ هەلبژارتنان دیار كه‌ت” كو ئه‌و ده‌مه‌ ژی دڤێت ب رازیبوونا هەموو لایەنان بیت و چ لایه‌نێن سیاسی رێگر نه‌بن، دڤێت ئه‌و ده‌مێ دهێته‌ دیار كرن” دووماهی ده‌م بیت بۆ هندێ کۆمسیۆن ئامادەکارییان دەست پێبکه‌ت ، هه‌روه‌سا ئه‌و دانوستاندنێن هاتینه‌ كرن ژی د ئه‌رێنی بوون.

عەبدولسەلام بەرواری، ئه‌و چاڤدێرێ سیاسییه‌، بۆ ئاژانسا خانی دبێژیت: یا گرنگ ئه‌وه‌” د کۆمبوونا بوری دا ئه‌وا دناڤبه‌ر‌ا هەردو مەکتەبێن سیاسی یێن پارتی و ئێكه‌تییێ دا هاتییه‌ كرن” ته‌كه‌زی ل سەر هندێ كرییه‌” پابەندی هندێ بن” كو ئه‌و ده‌مێ سەرۆکێ هەرێما کوردستانێ بۆ هەلبژارتنێن پەرلەمانێ کوردستانێ ب راوێژكاری ل گه‌ل پارت و ئالییێن دی دیار دكه‌ن، ژبه‌ر‌كو شێوازێ هەلبژارتنێن په‌رله‌مانێ كوردستانێ ئێكلا بوویه‌ و دێ لدووڤ یاسایێ که‌ڤن بیت و دێ ئێك بازنه‌یی بیت و کۆمسیۆنا هەلبژارتنان دێ ئەنجام دەت، له‌وما سەرۆکێ هەرێما کوردستانێ دی وه‌سا ده‌می دیار كه‌ت كو هه‌موو ئالی پێ درازی بن.

ناڤهاتی گۆت ژی: نوكه‌ ره‌وش یا ئالۆزه‌ ئه‌ز نه‌یێ گه‌شبینم” هه‌روه‌سا لایه‌نێن دیتر یێن سیاسی ل گه‌ل ئێكه‌تییێ پرۆژه‌ك پێشكێشكربوو بۆ راستڤه‌كرنا یاسایا هه‌لبژارتنێن په‌رله‌مانێ كوردستانێ” دیسان ئه‌و لایه‌نه‌ هه‌موو دبێژن” دڤێت هه‌لبژارتن بهێنه‌ كرن” به‌لێ كه‌سێ ژ وان لایه‌نان پێنگاڤه‌كێ نه‌هاته‌ پێش و ژ بلی پارتی دیموركاتی كوردستان” وان لایه‌نان هه‌موویان پێ خۆشه‌ هه‌لبژارتن نه‌هێنه‌ كرن” به‌لێ پارتی یا رژده‌ ل سه‌ر هندێ كو دڤێت هه‌لبژارتن بهێنه‌ كرن و لایه‌نێن دیتر نه‌ڤێن هه‌لباژرتن بهێنه‌ كرن و هنده‌ك ژ وان لایه‌نان ده‌نگده‌رێن وان پشتا خۆ یا دایێ و هنده‌ك ژ وان كیشێن ناڤخۆیی هه‌نه‌” هه‌روه‌سا سەرۆکێ هەرێما کوردستانێ ب ئەرکێ خۆ یێ یاسایی رابوویه‌ و دو جاران ده‌مێ ئه‌نجامدانا هه‌لبژارتنان دیار کرییە، لێ دڤێت‌ د نوكه‌ دا سەرۆکێ هەرێمێ ده‌مه‌كێ دیتر بۆ هه‌لبژارتنان دیار بکه‌ت بۆ هندێ کۆمسیۆن ئامادەکارییان بۆ هه‌لبژارتنا بكه‌ت” هه‌روه‌سا یا گرنگە کۆمبوون دناڤبه‌را ئالییێن سیاسی دا بهێنه‌ كرن و ل سەر پرسان دانوستاندن بهێنه‌ كرن و باشتره‌ ئه‌و دانوستاندنه‌ بەردەوام بهێنه‌ كرن.