ئه‌ڤرۆ پێنجشه‌مبى 3-8-2023ێ ل سه‌ر هزر و راسپاردێن مه‌سرور بارزانى سه‌رۆكێ حكومه‌تا هه‌رێما كوردستانێ ڤه‌كرن و كاراكرنا سیسته‌مێ ئه‌لكترۆنى بۆ تۆماركرنا سكالایێن وه‌لاتییان هاته راگه‌هاندن.
ل دۆر ڤێ چه‌ندێ ئومێد سه‌باح سه‌رۆكێ دیوانا جڤاتا وه‌زیرێن هه‌رێما كوردستانێ دپرێسكۆنفرانسه‌كیدا راگه‌هاند، ئه‌و پرۆژه‌یه هزرا مه‌سرور بارزانییه و ل سه‌ر راسپارده‌یا جه‌نابێ وى هاتییه بجهئینان، ئه‌وژى پێنگاڤه‌كا دییا ئه‌لكترۆنیكرنا حكومه‌تێ یه بۆ نه‌هێلانا رۆتین و زێده‌تر نێزیكبوونا وه‌لاتییان و دامه‌زراوه‌یانه ژ ئێك و دوو.
ئاماژه ب هندێ ژى دا، ئێدى وه‌لاتى ل سه‌رانسه‌رى هه‌رێما كوردستانێ دشێن ب شێوه‌یه‌كێ ئیكسه‌ر خوه بگه‌هیننه لایه‌نێن په‌یوه‌ندیدار.
