به‌یتۆجان : چ راستى بۆ مرنا من نینه‌

هونه‌رمه‌ندێ كورد به‌یتۆجانى ل وه‌لاتێ سویدێ ئه‌و نووچه‌یه‌ ب دره‌و ده‌رخستن یێن به‌حسا مرنا وى كرین.

به‌یتۆجان دنوكه‌دا ب په‌نجه‌شێرێ یێ نه‌خۆشه‌ و ل وه‌لاتێ سویدێ چاره‌سه‌رییا نوشدارى وه‌ردگریت، دووهى وه‌سا به‌لاڤببوو كو گیانێ خوه‌ ژ ده‌ستدایه‌، لێ ئه‌ڤرۆ ئه‌و نووچه‌یه‌ ره‌تكر و ب دره‌و هژمارت.

به‌یتۆجان د بێژیت:

بۆ وان كه‌سێن نه‌زانن، ئه‌ز به‌یتۆجانم، ئه‌ڤرۆ چارى ته‌باخێ یه‌ و دیسا دڤێت به‌حسا مرنا خوه‌ بكه‌م، ئه‌ز ل غۆربه‌تێ مه‌ و هه‌موو ئه‌و نووچه‌یێن به‌حسا مرنا من دكه‌ن راست نینن و دره‌ون.

به‌یتۆجان ل سالا 1955ێ ل باكوورێ كوردستانێ ژ دایكبوویه‌، ل نه‌ورۆزا سالا 1986 ژبه‌ركو ستران ب كوردى گوتن، نێزیكى شه‌ش سالان هاته‌ زیندانكرن، پشتى ئازادبوونێ ئاواره‌ى وه‌لاتان دبیت و نوكه‌ ل سویدێ یێ ئاكنجییه‌، بۆ ماوێ چه‌ند سالایه‌ ژبه‌ر تێكچوونا ره‌وشا ساخله‌مییا خوه كو تووشى په‌نجه‌شێرێ بوویه،‌‌ ژ كاری هونه‌رى دووركه‌ڤتییه‌.