<h3 style="text-align: justify;"><span style="font-size: 18pt;">مهسرور بارزانى سهرۆكێ حكومهتا ههرێما كوردستانێ پێشوازى ل ڤۆلكهر تۆرك كۆمسیارێ بلندێ نهتهوهیێن ئێكگرتى بۆ مافێن مرۆڤى و شاندێ دگهلدا كر.</span></h3> <h3 style="text-align: justify;"><span style="font-size: 18pt;">د دیدارهكێدا سهرۆكێ حكومهتێ ئاماژه ب هندێ دا، گهلێ كوردستانێ د درێژاهییا مێژوویێدا تووشى چهندین كۆمهلكۆژی و جینۆساید و پێشلكرنا مافێن مرۆڤان بوویه و قوربانییهكا مهزن ژ پێخهمهت ب دهستڤهبرنا مافێن خوه یێن رهوا دایه، لهوما ب گرنگیڤه تهماشهى پرنسیپێن پاراستنا مافێن مرۆڤى و بهایێن ئازادی و دیمۆكراسییێ دكهت، ئهو دخوازن دووماهی ب پێشلكرنا مافێن گهلێ كورد بهێت و كۆمهلگهها نێڤدهولهتى هاریكارییا وان بۆ بهردهستكرنا مافێن رهوا بكهت، پێدڤییه رێك ل دووبارهبوونا كارهسات و جینۆسایكرنا خهلكێ كوردستانێ بهێته گرتن.</span></h3> <h3 style="text-align: justify;"><span style="font-size: 18pt;">مهسرور بارزانى كورتییهك دهربارهى چاكسازییێن گشتگیر یێن حكومهتا ههرێما كوردستانێ ب تایبهتى پلانا پهسهندكرییا پێنج سالییا حكومهتا ههرێمێ یێن تایبهت ب پاراستنا مافێن مرۆڤى و رووبرووبوونا توندوتیژى و توندرهوییێ ب تایبهتى توندوتیژییا دژى ئافرهتان خواند، دووپات ژى كر، پاراستنا مافێن مرۆڤى و پێشڤهبرنا كولتوورێ پێكڤهژیانا ئاشتییانه دناڤبهرا پێكهاتهیێن جۆدا دا، پشكهكا گرنگا كارنامهیا كابینهیا نههێ یا حكومهتا ههرێما كوردستانێیه.</span></h3> <h3 style="text-align: justify;"><span style="font-size: 18pt;">كۆمسیارێ بلندێ نهتهوهیێن ئێكگرتى بۆ مافێن مرۆڤى، سوپاسییا هاریكارى و ههماههنگییا لایهنێن پهیوهندیدارێن حكومهتا ههرێما كوردستانێ دگهل نهتهوهیێن ئێكگرتى ب تایبهتى د بوارێ پاراستنا مافێن مرۆڤیدا كر.</span></h3>
