سەرۆکێ دەستەیا وەبەرهێنانێ ل هەرێما کوردستانێ دیار كر: پرۆسا هنارتنا پتاتێن هەرێما کوردستانێ بۆ وه‌لاتێ ئیماراتێ و وه‌لاتێن كه‌نداڤی دێ یا بەردەوام دەبێت و بڕیارە ل ده‌مێن بهێن دا دو وەجبێن دیتر یێن پتاتان بهێنه هنارتن و د نوكه دا وه‌لاتێن عه‌ره‌بی خواسته‌كا زۆر ل سەر پتاتێن هەرێما کوردستانێ هەنە و ئه‌ڤ ساله هنار و سێڤ ژی دێ هێنه هنارتن.
د. محەمەد شوکری، زێده‌تر بۆ ئاژانسا خانی گۆت: لدووڤ وێ هه‌ڤبه‌ستا هاتییه كرن” بۆ هنارتنا پتاتێن هه‌رێما کوردستان بۆ دەرڤه‌یی وه‌لاتی، 500 تەن هاتینه رەوانە کرن و ل حه‌فتییا بهێت ژی 5 هزار تەن دێ هێنه هنارتن، پتاتێن كوردستانێ ب رێیا هشکانی و ئاڤی دهێنه هنارتن، جۆتیارێن هه‌رێما كوردستانێ دبێژن” خواسته‌كا زۆر ل سه‌ر پتانێن هه‌رێما كوردستانێ هه‌نه و ل دەرڤه‌یی وه‌لاتی پێشوازییەکا مه‌زن لێ دهێته كرن.
ناڤهاتی گۆت ژی: ل وه‌لاتێن کەنداڤی خواسته‌كا زۆر ل سەر کڕینا پتاتێن هەرێما کوردستانێ هەیە، ژ بلی وه‌لاتێ ئیماراتێ دێ پتات بۆ ئوردنێ و وه‌لاتێن دیتر یێن عەرەبی هێنه هنارتن، ئەڤە پێنگاڤه‌كا گرنگه بۆ ساخکرنا بەرهەمێن ناڤخۆیی یێن هه‌رێمێ و دیسان و د ئه‌ڤ ساله دا هنار و سێڤێن كوردستانێ ژی دێ بۆ ده‌رڤه‌یی وه‌لاتی هێنه هنارتن.
